കാലിഫോർണിയയിൽ ഗവർണറാകാൻ ഇന്ത്യൻ വംശജനും

വാഷിങ്‍ടണ്‍: കാലിഫോർണിയയിൽ നടക്കുന്ന ഗവർണർ തെരഞ്ഞെടുപ്പിൽ മത്സരിക്കുന്ന ഏറ്റവും പ്രായം കുറഞ്ഞ സ്ഥാനാർഥി ഇന്ത്യൻ വംശജൻ. 22 വയസുള്ള ഉത്തർപ്രദേശ് സ്വദേശി ശുഭം ഗോയലാണ് ഗവർണർ പദത്തിന് വേണ്ടി മത്സരിക്കുന്നത്.

സോഫ്‍റ്റ്‍വെയര്‍ കമ്പനി ഉടമയായ ലഖ്‌നൗ സ്വദേശി വിപുല ഗോയലിന്റെ മകനാണ് ശുഭം. ശുഭം ഗോയലും കുടുംബവും ഡാൻവില്ലയിലാണ് താമസം. ഡെമോക്രാറ്റിക് പാർട്ടി അനുഭാവിയായ ശുഭം നിലവിലെ ഗവർണർ ജെറി ബ്രൗണിന്റെ പിൻഗാമിയാകാൻ അനുയോജ്യൻ താൻ തന്നെയാണെന്ന് വാദിക്കുന്നു. 27 സ്ഥാനാർഥികളുള്ള മത്സരത്തിൽ രാഷ്ട്രീയ സുതാര്യത വേണമെന്നാണ് ശുഭം ഗോയൽ ആവശ്യപ്പെടുന്നത്.