മാലിദ്വീപ് അടിയന്തരാവസ്ഥ; ഇന്ത്യന്‍ ജേണലിസ്റ്റ് അറസ്റ്റില്‍

ന്യൂഡല്‍ഹി: അടിയന്തരാവസ്ഥയും രാഷ്ട്രീയ അസ്ഥിരതയും തുടരുന്ന മാലിദ്വീപില്‍ രണ്ട് മാധ്യമപ്രവര്‍ത്തകര്‍ തടവിലായെന്ന് റിപ്പോര്‍ട്ടുകള്‍. ഫ്രഞ്ച്-ഇംഗ്ലീഷ് വാര്‍ത്താ ഏജന്‍സി എഎഫ്‍പി (ഏജന്‍സി ഫ്രാന്‍സ്-പ്രസ്) റിപ്പോര്‍ട്ടര്‍മാരായ മണി ശര്‍മ്മ, അതീഷ് രാവിജി എന്നിവരാണ് മാലിദ്വീപിന്‍റെ ദേശീയ സുരക്ഷ നിയമപ്രകാരം പിടിയിലായതെന്ന് വാര്‍ത്താഏജന്‍സി എഎന്‍ഐ റിപ്പോര്‍ട്ട് ചെയ്യുന്നു.

പഞ്ചാബ് സ്വദേശിയാണ് മണി ശര്‍മ്മ. അതീഷ് രാവിജി ലണ്ടനില്‍ നിന്നുള്ളയാളാണ്. ഇന്ത്യന്‍ എംബസി ഇക്കാര്യം സ്ഥിരീകരിച്ചിട്ടുണ്ട്. കൂടുതല്‍ വിവരങ്ങള്‍ ആവശ്യപ്പെട്ടിട്ടുണ്ടെന്നും വിദേശകാര്യ മന്ത്രാലയം അറിയിച്ചു.