ഇന്‍റർപോൾ മേധാവി മെങ് ഹോങ്‍വെയെ കാണാതായി

പാരീസ്: ഇന്‍റർപോൾ ഏജൻസിയുടെ പ്രസിഡന്റ് മെങ് ഹോങ്‍വെയെ കാണാനില്ലെന്ന പരാതിയിൽ ഫ്രഞ്ച് പോലീസ് അന്വേഷണം തുടങ്ങി. ചൈന സ്വദേശിയായ മെങ് സെപ്റ്റംബർ 29 നാണ് ഫ്രാൻസിൽ നിന്ന് ചൈനയിലേക്ക് പോയത്.

മേങ്ങിനെ കുറിച്ച് പിന്നീട് വിവരമൊന്നുമില്ലെന്ന ഭാര്യയുടെ പരാതിയെ തുടർന്നാണ് ഫ്രഞ്ച് പോലീസ് അന്വേഷണം ആരംഭിച്ചത്. 2016 ലാണ് മെങ് ഇന്റർപോൾ മേധാവിയായി ചുമതലയേറ്റത്. അതിന് മുൻപ് ചൈനയുടെ പൊതുസുരക്ഷാ വകുപ്പ് ഉപമന്ത്രിയായി സേവനമനുഷ്ഠിച്ചിട്ടുണ്ട്. യൂറോപ്പ് 1 എന്ന ഫ്രഞ്ച് റേഡിയോ ആണ് മെങ്ങിനെ കാണാനില്ലെന്ന വാർത്ത പുറത്ത് വിട്ടത്.