ബ്രിട്ടീഷ് കപ്പിലിലെ മലയാളികള്‍ ഉള്‍പ്പെടെ ഏഴ് ജീവനക്കാരെ വിട്ടയക്കുമെന്ന് ഇറാന്‍

ന്യൂഡല്‍ഹി: ഗള്‍ഫിലെ ഹോര്‍മുസ് കടലിടുക്കില്‍ ഇറാന്‍ പിടിച്ചെടുത്ത സ്‍റ്റെന ഇപറോ എന്ന ബ്രിട്ടീഷ് എണ്ണക്കപ്പലിലെ മലയാളികള്‍ ഉള്‍പ്പെടെ ഏഴ് ജീവനക്കാരെ വിട്ടയക്കുമെന്ന് ഇറാന്‍ ദേശീയ ടെലിവിഷന്‍ റിപ്പോര്‍ട്ട് ചെയ്തു.

കപ്പലിലെ ജീവനക്കാര്‍ക്ക് ഉടന്‍ നാട്ടിലേക്ക് മടങ്ങാനാവുമെന്ന് ഇറാന്‍ വിദേശകാര്യ മന്ത്രാലയ വക്താവ് അബ്ബാസ് മൗസവി അറിയിച്ചു. ജീവനക്കാരുമായും ക്യാപ്റ്റനുമായി ഇറാന് പ്രശ്‍നങ്ങളില്ലെന്നും കപ്പല്‍ രാജ്യാന്തര സമുദ്ര ഗതാഗത നിയമങ്ങള്‍ തെറ്റിച്ചതാണ് പ്രശ്‍നമെന്നും അദ്ദേഹം പറഞ്ഞു. എണ്ണക്കപ്പലില്‍ നിന്നുള്ള വീഡിയോയും ഇറാന്‍റെ ദേശീയ ടെലിവിഷന്‍ പുറത്തുവിട്ടു.

സ്വീ‍ഡിഷ് കമ്പനിയായ സ്‍റ്റെന ബള്‍ക് ബ്രിട്ടനില്‍ രജിസ്റ്റര്‍ ചെയ്ത സ്‍റ്റന ഇംപറോ എന്ന കപ്പല്‍ ജൂലൈ 19-നാണ് ഇറാന്‍ സേനാവിഭാഗമായ റവല്യൂഷനറി ഗാര്‍ഡ്‍സ് പിടിച്ചെടുത്തത്.

23 ജീവനക്കാരാണ് കപ്പലില്‍ ഉണ്ടായിരുന്നത്. ഇതില്‍ മൂന്ന് മലയാളികള്‍ ഉള്‍പ്പെടെ 18 പേര്‍ ഇന്ത്യക്കാരാണ്.

ഉപരോധം ലംഘിച്ച് സിറിയയിലേക്ക് എണ്ണ കടത്തുന്നു എന്നാരോപിച്ച് ജൂലൈ നാലിന് ഗ്രേ് 1 എന്ന ഇറാന്‍ എണ്ണക്കപ്പല്‍ ബ്രിട്ടല്ല‍ പിടിച്ചെടുത്തിരുന്നു. ഈ കപ്പല്‍ 30 ദിവസം കൂടി തടങ്കലില്‍ വെക്കാന്‍ ജിബ്രാള്‍ട്ടന്‍ സുപ്രീം കോടതി ഉത്തരവിട്ടതിനു പിന്നാലെയാണ് ഇറാന്‍ ബ്രിട്ടീഷ് കപ്പല്‍ പിടിച്ചെടുത്തത്.