സോഷ്യൽമീഡിയ കീഴടക്കിയ ഇറാഖി മോഡൽ കൊല്ലപ്പെട്ടു

ബാഗ്ദാദ്: വിഖ്യാത ഇറാഖി മോഡൽ ടറാ ഫറേസ്(22) വെടിയേറ്റ് കൊല്ലപ്പെട്ടു. ബാഗ്ദാദിൽ വെച്ചാണ് വെടിയേറ്റിരിക്കുന്നത്. ആരാണ് വെടിവെച്ചതെന്ന് ഇതുവരെ തിരിച്ചറിഞ്ഞിട്ടില്ല. കഴിഞ്ഞദിവസം സോഷ്യല്‍ മീഡിയയിലെ ഏറ്റവും കൂടുതൽ പേര്‍ ഫോളോ ചെയ്യുന്ന സുന്ദരികളുടെ കൂട്ടത്തിൽ ടറാ ഫറേസും ഉള്‍പ്പെട്ടിരുന്നു. ടറായുടെ അപ്രതീക്ഷിത മരണത്തിൽ സ്തംബ്ധരായിരിക്കുകയാണ് ഫാഷന്‍ ലോകം.

ടറായുടെ ശരീരത്തിൽ ബുള്ളറ്റ് തറച്ച 3 മുറിവുകള്‍ പോലീസ് കണ്ടെത്തിയിട്ടുണ്ട്. ഇടയ്ക്ക് ബാഗ്ദാദിലേക്ക് ജോലി ആവശ്യത്തിനായി ടറാ എത്താറുണ്ട്. അത്തരത്തിൽ എത്തിയ ഒരു ദിവസമാണ് വെടിയേറ്റിരിക്കുന്നത്. താരം സഞ്ചരിക്കുന്ന പോര്‍ഷെ കാറിലാണ് വെടിയേറ്റ നിലയിൽ കണ്ടെത്തിത്. സോഷ്യൽമീഡിയയിൽ നിരവധി ആരാധകർ ടറായുടെ ചിത്രം പങ്കുവച്ച് ആദരാ‌ഞ്ജലി അര്‍പ്പിച്ചുകൊണ്ടിരിക്കുകയാണ്.