യുഎസ് സെനറ്റര്‍ ജോണ്‍ മക്കെയിന്‍ അന്തരിച്ചു

വാഷിംഗ്ടണ്‍: അമേരിക്കന്‍ സെനറ്ററും വിയറ്റനാം യുദ്ധ നായകനുമായ ജോണ്‍ മക്കെയിന്‍ (81) അന്തരിച്ചു. 2008ല്‍ അമേരിക്കന്‍ പ്രസിഡന്‍റ് പദത്തിലേക്ക് മത്സരിച്ച ആളാണ് മക്കെയിന്‍. കഴിഞ്ഞ വര്‍ഷം തലച്ചോറില്‍ ട്യൂമര്‍ ബാധിച്ചതായി കണ്ടെത്തിയിരുന്നു.

എട്ടുതവണ സെനറ്ററയായിരുന്നു മക്കെയിന്‍. ബരാക് ഒബാമക്കെതിരെ റിപ്പബ്ലിക്കന്‍ പാര്‍ട്ടിയുടെ സ്ഥാനാര്‍ത്ഥിയായി മത്സരിച്ചതോടെയാണ് മക്കെയിന്‍ ലോക ശ്രദ്ധ നേടിയത്. വിയറ്റ്നാം യുദ്ധകാലത്ത് ഫൈറ്റര്‍ പൈലറ്റായിരുന്നു അദ്ദേഹം. പിന്നീട് യുദ്ധകുറ്റവാളിയായി അഞ്ചു വര്‍ഷം ജയിലില്‍ കഴിയുകയും ചെയ്തു.

കഴിഞ്ഞ ജൂലായില്‍ ഇടതു കണ്ണിനു മുകളില്‍ രക്തം കട്ടപിടിച്ചത് നീക്കം ചെയ്യാനുള്ള ശസ്ത്രക്രിയ നടത്തുന്നതിനിടെയാണ് തലച്ചോറിനെ ബാധിച്ച ട്യൂമര്‍ കണ്ടെത്തിയത്. ആരോഗ്യനില ഗുരുതരമായതോടെ ശനിയാഴ്ച മുതല്‍ ചികിത്സ അവസാനിപ്പിച്ചിരുന്നതായി കുടുംബാംഗങ്ങള്‍ അറിയിച്ചു.