കാലിഫോർണിയയിൽ മണ്ണിടിച്ചിൽ: 17 മരണം, വീടുകൾ തകർന്നു

സാൻഫ്രാൻസിസ്‌കോ: തെക്കൻ കാലിഫോർണിയയിൽ മണ്ണിടിച്ചിലുണ്ടായതിനെ തുടർന്ന് 17 പേർ മരിച്ചു. മുപ്പതിലേറെ പേർക്ക് പരിക്കേൽക്കുകയും ചെയ്തു. അപകടത്തിൽ നൂറിലേറെ വീടുകൾ തകർന്നു വീണു.

മോശം കാലാവസ്ഥയും ചളിയും മണ്ണും പ്രദേശത്ത് മൂടി കിടക്കുന്നതും രക്ഷാപ്രവർത്തനത്തിന് തടസമാകുന്നുണ്ട്. മണ്ണിടിച്ചിലിനെ തുടർന്ന് പ്രധാനപ്പെട്ട ഹൈവേ അടക്കമുള്ള റോഡുകൾ അടച്ചിട്ടിരിക്കുകയാണ്. 50 പേരെ രക്ഷപ്പെടുത്തിയതായി സുരക്ഷാസേന അറിയിച്ചു.