കോഫീ മേക്കറിൽ നിന്നുള്ള പുകയെ തുടർന്ന് വിമാനം നിലത്തിറക്കി

വാഷിംഗ്‌ടൺ: കോഫീ മേക്കറിൽ നിന്നും പുക ഉയർന്നതിനെ തുടർന്ന് വിമാനം അടിയന്തിരമായി നിലത്തിറക്കി. 233 യാത്രക്കാരുമായി വാഷിംഗ്‌ടണിൽ നിന്നും മ്യൂണിക്കിലേക്ക് പുറപ്പെട്ട ലുഫ്താൻസ എൽഎച്ച് വിമാനമാണ് നിലത്തിറക്കിയത്.

വിമാനത്തിനുള്ളിൽ മണം വന്നതിനെ തുടർന്ന് യാത്രക്കാർ ജീവനക്കാരോട് പരാതിപ്പെടുകയായിരുന്നു. കോഫീ മേക്കർ ഉപയോഗ ശേഷം നിർത്താതിരുന്നതിനാൽ അമിതമായി ചൂടാകുകയും തുടർന്ന് പുക വരികയുമാണ് ഉണ്ടായത്.
സംഭവത്തെ തുടർന്ന് ബോസ്റ്റണിലേക്ക് തിരിച്ചു വിട്ട വിമാനം പുലർച്ചെ 2.06 ഓടെ നിലത്തിറക്കി. സെപ്റ്റംബർ 8ന് ഉണ്ടായ സംഭവം ഇപ്പോഴാണ് പുറത്തറിയുന്നത്.