ഇക്വഡോറിൽ ഭൂചലനം; റിക്ടര്‍ സ്കെയിലില്‍ 7.8

ജപ്പാന് പിന്നാലെ ഇക്വഡോറിലും അതിശക്തമായ ഭൂചലനം. റിക്ടര്‍ സ്കെയിലില്‍ 7.8 രേഖപ്പെടുത്തിയ ഭൂചലനത്തില്‍ 28 പേര്‍ മരിച്ചു. അനേകം പേര്‍ക്ക് പരിക്കേറ്റിട്ടുണ്ട്. നിരവധി വീടുകള്‍ക്കും വാഹനങ്ങള്‍ക്കും കേടുപാടുകള്‍ ഉണ്ടായി. സുനാമി മുന്നറിയിപ്പും നല്‍കിയിട്ടുണ്ട്.

ശനിയാഴ്ച രാത്രിയിലായിരുന്നു ഭൂകന്പം. തലസ്ഥാന നഗരമായ ക്വിറ്റോയില്‍ 40 സെക്കന്‍റ് വരെ ചലനം നീണ്ടുനിന്നു. പെട്രോവിജോ നഗരത്തില്‍ 16 പേരും മാന്‍റയില്‍ 10 പേരും ഗുയാസ് പ്രവിശ്യയില്‍ രണ്ടുമാണ് മരണം റിപ്പോര്‍ട്ട് ചെയ്തിട്ടുള്ളത്. തുടര്‍ചലനങ്ങള്‍ 5.6 വരെ രേഖപ്പെടുത്തിയിട്ടുണ്ട്. വൈദ്യൂതി ടെലിഫോണ്‍ സംവിധാനങ്ങള്‍ തടസ്സപ്പെട്ടു. രാജ്യത്ത് അടിയന്തിരാവസ്ഥ പ്രഖ്യാപിച്ചിട്ടുണ്ടെന്ന് ഇക്വഡോര്‍ വൈസ് പ്രസിഡന്‍റ് ജോര്‍ജ് ഗളാസ് വാര്‍ത്താസമ്മേളനത്തില്‍ പറഞ്ഞു.