കാബൂളില് ഇരട്ടസ്ഫോടനം; 27 പേര് കൊല്ലപ്പെട്ടതായി സ്ഥിരീകരണം
അഫ്ഗാന് തലസ്ഥാനമായ കാബൂളില് രണ്ട് വ്യത്യസ്ത സ്ഫോടനങ്ങളില് 27 പേര് കൊല്ലപ്പെട്ടു. തെരഞ്ഞെടുപ്പ് റാലിയും യുഎസ് എംബസിയും ലക്ഷ്യമിട്ട് നടന്ന ആക്രമണങ്ങള് എന്ന് സര്ക്കാര്. പ്രസിഡന്റ് അഷ്റഫ് ഗനി സുരക്ഷിതന്
Samayam Malayalam 17 Sept 2019, 3:29 pm
ഹൈലൈറ്റ്:
- അഫ്ഗാനിസ്ഥാനില് രണ്ട് സ്ഫോടനങ്ങളില് നിരവധി മരണം
- പ്രസിഡന്റ് അഷ്റഫ് ഗനി പങ്കെടുത്ത പരിപാടിക്ക് നേരെ ആക്രമണം
- ചാവേര് സ്ഫോടനമാണ് നടന്നതെന്ന് സര്ക്കാര് വൃത്തങ്ങള്
കാബൂള്: അഫ്ഗാനിസ്ഥാന് പ്രസിഡന്റ് പങ്കെടുത്ത തെരഞ്ഞെടുപ്പ് റാലിക്ക് സമീപം സ്ഫോടനം. 24 പേര് കൊല്ലപ്പെട്ടു. 31 പേര്ക്ക് പരിക്കേറ്റു. പ്രസിഡന്റ് അഷ്റഫ് ഗനി സുരക്ഷിതനാണെന്ന് ഉദ്യോഗസ്ഥര് വാര്ത്താ ഏജന്സി റോയിറ്റേഴ്സിനോട് സ്ഥിരീകരിച്ചു. കാബൂളിന് വടക്ക് ചരീക്കര് എന്ന സ്ഥലത്ത് ആയിരുന്നു റാലി. ജനങ്ങള്ക്ക് ഇടയ്ക്ക് നിലയുറപ്പിച്ച ചാവേര് പൊട്ടിത്തെറിക്കുകയായിരുന്നു എന്നാണ് പ്രാഥമിക വിവരം. കൊല്ലപ്പെട്ടവരുടെ എണ്ണം ഉയരുമെന്നാണ് റിപ്പോര്ട്ടുകള്.
കൂടുതലും കുട്ടികളും സ്ത്രീകളുമാണ് കൊല്ലപ്പെട്ടത്. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. മറ്റൊരു ആക്രമണത്തില് കാബൂള് നഗരകേന്ദ്രത്തില് മൂന്ന് പേര് കൊല്ലപ്പെട്ടിരുന്നു. യുഎസ് എംബസിക്ക് സമീപത്തായിരുന്നു ആക്രമണം.
സെപ്റ്റംബര് 28ന് അഫ്ഗാനിസ്ഥാനില് പൊതുതെരഞ്ഞെടുപ്പ് നടക്കുകയാണ്. ഭരണത്തുടര്ച്ച ലക്ഷ്യമിട്ട് അഷ്റഫ് ഗനി മത്സരിക്കുകയാണ്. തെരഞ്ഞെടുപ്പ് തടസ്സപ്പെടുത്തുമെന്ന് താലിബാന് ഭീഷണി മുഴക്കിയിരുന്നു.
യുഎസ് മധ്യസ്ഥരായി താലിബാനുമായി കഴിഞ്ഞയാഴ്ച്ച സമാധാന ചര്ച്ച നടത്താന് തീരുമാനിച്ചിരുന്നതാണ്. എന്നാല് അവസാനം ഇത് അലസിപ്പോയി.
കൂടുതലും കുട്ടികളും സ്ത്രീകളുമാണ് കൊല്ലപ്പെട്ടത്. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. മറ്റൊരു ആക്രമണത്തില് കാബൂള് നഗരകേന്ദ്രത്തില് മൂന്ന് പേര് കൊല്ലപ്പെട്ടിരുന്നു. യുഎസ് എംബസിക്ക് സമീപത്തായിരുന്നു ആക്രമണം.
സെപ്റ്റംബര് 28ന് അഫ്ഗാനിസ്ഥാനില് പൊതുതെരഞ്ഞെടുപ്പ് നടക്കുകയാണ്. ഭരണത്തുടര്ച്ച ലക്ഷ്യമിട്ട് അഷ്റഫ് ഗനി മത്സരിക്കുകയാണ്. തെരഞ്ഞെടുപ്പ് തടസ്സപ്പെടുത്തുമെന്ന് താലിബാന് ഭീഷണി മുഴക്കിയിരുന്നു.
യുഎസ് മധ്യസ്ഥരായി താലിബാനുമായി കഴിഞ്ഞയാഴ്ച്ച സമാധാന ചര്ച്ച നടത്താന് തീരുമാനിച്ചിരുന്നതാണ്. എന്നാല് അവസാനം ഇത് അലസിപ്പോയി.