കണക്കിലെ പ്രതിഭ മറിയം മിർസഖാനി അന്തരിച്ചു

ഗണിത ശാസ്ത്രത്തിന് നൊബേൽ സമ്മാനം നേടിയ മറിയം മിർസഖാനി അന്തരിച്ചു. കണക്കിലെ പ്രതിഭകൾ നേടുന്ന ഫീൽഡ്സ് മെഡലാണ് മറിയം മിർസഖാനി കരസ്ഥമാക്കിയത്. ഈ മെഡൽ നേടുന്ന ആദ്യ വനിത എന്ന ബഹുമതിയും മറിയം മിർസഖാനിക്ക് സ്വന്തമായിരുന്നു. നാൽപ്പതാമത്തെ വയസ്സിൽ സ്തനാർബുദത്തെ തുടർന്നായിരുന്നു അന്ത്യം.

2014 ലാണ് മറിയം നൊബേൽ സമ്മാനത്തിന് അർഹയായത്. നാൽപത് വയസിന് താഴെയുള്ളവരെ മാത്രമായിരുന്നു ഈ അവാർഡിനായി പരിഗണിച്ചിരുന്നത്. നാല് വർഷത്തിലൊരിക്കൽ മാത്രം നൽകുന്ന ഈ അവാർഡിന് തുടക്കമിട്ടത് 1936ലായിരുന്നു. ഏഴ് പതിറ്റാണ്ടിലേറെ പിന്നിട്ടിട്ടാണ് ഒരു വനിത ഈ അവാർഡ് സ്വന്തമാക്കിയിരിക്കുന്നത് എന്നതും ശ്രദ്ധേയമാണ്.

ജ്യോമെട്രിയിലെ അതിസങ്കീർണമായ ചില കുരുക്കുകൾ അഴിച്ചതിനെ തുടർന്നാണ് മുപ്പത്തിയേഴാം വയസിൽ മറിയത്തിന് ഈ ബഹുമതി ലഭിച്ചത്. സ്റ്റാൻഫോർഡ് യൂണിവേഴ്സിറ്റിയിലെ പ്രൊഫസറായിരുന്നു മറിയം മിർസഖാനി.

Maryam Mirzakhani, first woman to win mathematics' Fields medal, dies

Maryam Mirzakhani, a Stanford University professor who was the first and only woman to win the prestigious Fields medal in mathematics, has died. She was 40.