ജോര്‍ജ് ഫ്‌ളോയിഡിന്റെ മരണം: മിനിയാപൊളിസ് പോലീസ് വകുപ്പില്‍ വന്‍ അഴിച്ചുപണി

വാഷിംഗ്ടണ്‍: ജോര്‍ജ് ഫ്‌ളോയിഡിന്റെ മരണത്തിനു പിന്നാലെയുണ്ടായ പ്രതിഷേധങ്ങള്‍ക്കൊടുവില്‍ മിനിയാപൊളിസ് പോലീസ് വകുപ്പില്‍ വന്‍ അഴിച്ചുപണി. മിനിയാപൊളിസ് സിറ്റി കൗണ്‍സിലാണ് ഇക്കാര്യം പറഞ്ഞത്. പൊതുസുരക്ഷയ്ക്കായി ജനകീയ സംവിധാനം നടപ്പാക്കുമെന്നും സിറ്റി കൗണ്‍സില്‍ അറിയിച്ചു.


'മിനിയാപൊളിസ് നഗരത്തില്‍ പോലീസ് വകുപ്പിലെ അഴിച്ചുപണിയ്ക്ക് ഞങ്ങള്‍ പ്രതിബദ്ധരാണ്. ഞങ്ങളുടെ സമൂഹത്തെ സുരക്ഷിതമാക്കുന്ന പൊതു സുരക്ഷയുടെ പുതിയ മാതൃക പുനര്‍നിര്‍മ്മിക്കും', കൗണ്‍സില്‍ പ്രസിഡന്റ് ലിസ ബെന്‍ഡര്‍ പറഞ്ഞു.

Also Read: സംസ്ഥാനത്ത് വീണ്ടും കൊവിഡ് മരണം


മെയ് 25 നുണ്ടായ ജോര്‍ജ് ഫ്‌ളോയിഡിന്റെ മരണത്തില്‍ വെളുത്ത വര്‍ഗ്ഗക്കാരനായ മിനിയാപൊളിസ് പോലീസ് ഉദ്യോഗസ്ഥനെതിരെ കൊലക്കുറ്റത്തിന് കേസെടുത്തിട്ടുണ്ട്. കാഴ്ചക്കാരന്‍ പകര്‍ത്തിയ വീഡിയോയില്‍ ഏകദേശം ഒമ്പത് മിനിറ്റോളം ഫ്‌ളോയിഡിന്റെ കഴുത്തില്‍ മുട്ടുകുത്തി നിന്നതായി കാണാം.

Also Read: സംസ്ഥാനത്ത് ഇന്ധനവിലയിൽ വർധന; വില വർധന ആഴ്ചകൾക്കു ശേഷം

നിരായുധനായ ഒരു കറുത്ത വര്‍ഗ്ഗക്കാരന്റെ മരണത്തില്‍ വെളുത്ത വര്‍ഗ്ഗക്കാരായ നിയമ നിര്‍വ്വഹണ അധികാരികള്‍ക്കെതിരെയുള്ള ഏറ്റവും പുതിയ കേസാണിത്. ഫ്‌ളോയിഡിന്റെ മരണത്തിനു പിന്നാലെ അമേരിക്കയിലെ നിയമനിര്‍വ്വഹണത്തിലെ വംശീയതയ്‌ക്കെതിരെ രാജ്യമെമ്പാടും സാമാധാനപരമായ പ്രതിഷേധങ്ങള്‍ കഴിഞ്ഞ രണ്ടാഴ്ചയ്ക്കിടെ അരങ്ങേറി.