മോദി ലാവോസില്‍; ആസിയാന്‍ ഉച്ചകോടി ഇന്നാരംഭിക്കും

ലാവോസ്: ആസിയാൻ ഉച്ചകോടിയിൽ പങ്കെടുക്കാൻ ഇന്ത്യൻ പ്രധാനമന്ത്രി നരേന്ദ്ര മോദി വിയറ്റ്നാമിന്‍റെ തലസ്ഥാന നഗരമായ ലാവോസിലെത്തി. ഇന്ത്യയുടെയും കിഴക്കനേഷ്യൻ രാജ്യങ്ങളുടെയും നേതാക്കളാണ് ആസിയാൻ ഉച്ചകോടിയിൽ പങ്കെടുക്കുന്നത്. സമ്മേളനത്തിന് മുന്നോടിയായി ജപ്പാൻ പ്രധാനമന്ത്രി ഷിൻസോ ആബെയുമായി മോദി കൂടിക്കാഴ്ച നടത്തുകയും പൊതു വിരുന്നിൽ പങ്കെടുക്കുകയും ചെയ്തു.

മോദി ഇന്ന് അമേരിക്കൻ പ്രസിഡന്‍റ് ബരാക് ഒബാമ വിളിച്ചു ചേര്‍ക്കുന്ന ഉഭയകക്ഷി ചർച്ചയിൽ പങ്കെടുക്കും. രണ്ടു വർഷത്തിനിടെ ഇത് എട്ടാം തവണയാണ് മോദി- ഒബാമ കൂടിക്കാഴ്ച നടക്കുന്നത്. സമുദ്രസുരക്ഷ, തീവ്രവാദം, ദുരന്തനിവാരണം, സാമ്പത്തിക സഹകരണം തുടങ്ങിയ വിഷയങ്ങൾ മുൻ നിർത്തി ലാവോസ് പ്രധാനമന്ത്രി തോങ് ലൂൻ സിസോലിത്ത മോദിയുമായി പ്രത്യേക ചർച്ച നടത്തുമെന്ന് വിദേശകാര്യ മന്ത്രാലയ വക്താവ് വികാസ് സ്വരൂപ് അറിയിച്ചു.

ഇന്ത്യയുടെ വടക്ക്- കിഴക്കൻ സംസ്ഥാനങ്ങളുടെ സാമ്പത്തിക സ്ഥിതി മെച്ചപ്പെടുത്താൻ ലാവോസിൽ നടക്കുന്ന ആസിയാൻ ഉച്ചകോടി ഏറെ സഹായകമാകുമെന്ന് മോദി നേരത്തെ പറഞ്ഞിരുന്നു. രണ്ടു ദിവസത്തെ സമ്മേളനം ഇന്ന് ആരംഭിക്കും.