സൗദിയിൽ അമ്മ മക്കളെ വീടിനകത്തിട്ട് പീഡിപ്പിച്ചു

മദീന: സൗദി അറേബ്യയിലെ ഖൈബറിൽ സ്വന്തം മക്കളെ വീടിനകത്തിട്ട് പീഡിപ്പിച്ച അമ്മക്കെതിരെ കേസ്. മൂന്ന് വർഷത്തോളം ഭക്ഷണം നൽകാതെ സ്വന്തം മക്കളെ പീഡിപ്പിക്കുകയായിരുന്നു അമ്മ. ഇരുപതും പതിനാലും വയസുള്ള രണ്ട് പെൺമക്കളെയും പന്ത്രണ്ടു വയസുള്ള ഒരു ആൺകുട്ടിയേയുമാണ് പീഡനത്തിന് ഇരയാക്കിയത്.

രോഗബാധിതനായി തളർന്നു കിടക്കുന്നതിനാൽ ഇവരുടെ അച്ഛന് അമ്മയെ എതിർക്കാൻ സാധിക്കില്ല. ഈ സ്ത്രീയുടെ ക്രൂരതകള്‍ക്കെല്ലാം ദൃക്സാക്ഷി ആകാനേ സാധിക്കുന്നുള്ളു.

അമ്മയുടെ ക്രൂരതകൾ സഹിക്കാൻ കഴിയാതെ മൂത്തമകൾ നേരത്തെ സുരക്ഷാ ഉദ്യോഗസ്ഥർക്ക് പരാതി നൽകിയതിനെ തുടർന്ന് ഇനി അവർത്തിക്കില്ലെന്ന് സുരക്ഷാ ഉദ്യോഗസ്ഥർ എഴുതി വാങ്ങിയിരുന്നു. എന്നാൽ പിന്നീടും ഇവർ കുട്ടികളെ ഉപദ്രവിക്കുകയായിരുന്നു.

സ്ത്രീയെ ചോദ്യം ചെയ്തപ്പോൾ ഇവർ കുട്ടികളെ ദേഹോപദ്രവം ഏല്പിക്കാറില്ലെന്നും മറിച്ച് പട്ടിണിക്കിടുകയും ആവശ്യമായ പരിചരണം നല്കാതിരിക്കുകയുമാണ് ചെയ്യാറുള്ളതെന്ന് തൊഴിൽ സാമൂഹ്യ വകുപ്പ് മന്ത്രലയം ഔദ്യോഗിക വക്താവ് ഖാലിദ് അബുൽ ഖൈൽ പറഞ്ഞു.