'അന്നങ്ങനെ, ഇന്നിങ്ങനെ...' ഭൂമിയെ നാസ പകര്‍ത്തിയ രണ്ട് ഫോട്ടോകള്‍; ട്വീറ്റ് വൈറല്‍

സോഷ്യല്‍ മീഡിയ സര്‍വീസ് ട്വിറ്ററിലെ വൈറല്‍ ചലഞ്ച് ഏറ്റെടുത്ത് അമേരിക്കന്‍ ബഹിരാകാശ സംഘടന, നാസ. "How it started, How it’s going" എന്ന ചലഞ്ചിലാണ് നാസ പങ്കെടുത്തത്. നാസയുടെ ട്വീറ്റ് ഇപ്പോള്‍ വൈറലാണ്.

Also Read: തത്തയോട് സാമ്യമുള്ള കൂറ്റന്‍ ദിനോസറുകള്‍

രണ്ട് വ്യത്യസ്‍ത കാലഘട്ടങ്ങളിലെ ചിത്രങ്ങളാണ് ചലഞ്ചില്‍ ട്വീറ്റ് ചെയ്യേണ്ടത്. ഒന്ന് ഇപ്പോഴത്തെ അവസ്ഥയാകണം. ആദ്യത്തേത് വളരെ മുന്‍പുള്ള സാഹചര്യവും. തുടക്കം ഇങ്ങനെ, ഇപ്പോളിങ്ങനെ എന്നതാണ് ചലഞ്ചിന്‍റെ ആശയം.

വിവാഹത്തിന്‍റെ തുടക്കം, ജോലിയിലെ ആദ്യ ദിവസം, കുഞ്ഞിന്‍റെ ആദ്യ ഫോട്ടോ തുടങ്ങിയവയാണ് ആളുകള്‍ ട്വീറ്റ് ചെയ്യുന്നത് പിന്നാലെ വര്‍ഷങ്ങള്‍ക്കുശേഷം ഇപ്പോഴത്തെ അവസ്ഥയും ഫോട്ടോയായി ഇടണം.


ഭൂമിയുടെ ബഹിരാകാശത്ത് നിന്നുള്ള ഫോട്ടോയാണ് നാസ ട്വീറ്റ് ചെയ്‍തത്. 1959ല്‍ ഭ്രമണപഥത്തില്‍ നിന്ന് ഒരു അമേരിക്കന്‍ കൃത്രിമ ഉപഗ്രഹം പകര്‍ത്തിയതാണ് ഫോട്ടോ. ഇതാണ് ആദ്യമായി ഭൂമിയുടെ ഒരു ഫോട്ടോ നാസ ഉപഗ്രഹം പകര്‍ത്തിയതെന്നാണ് അവകാശവാദം. കറുപ്പും വെളുപ്പും മാത്രം നിറങ്ങളിലുള്ള ഫോട്ടോയില്‍ പസിഫിക് സമുദ്രവും മേഘപാളികളുമാണെന്നാണ് നാസ പറയുന്നത്.

Also Read: നൊബേല്‍ സമ്മാനം 2020: ഈ വര്‍ഷത്തെ വിജയികള്‍

എക്സ്പ്ലോറര്‍ 6 എന്ന ഉപഗ്രഹം എടുത്ത ഫോട്ടോ മെക്സിക്കോയിലേക്ക് ഉപഗ്രഹം പ്രവേശിക്കുന്ന സമയത്തുള്ളതാണ്. 1959 ഓഗസ്റ്റ് 14ന് എടുത്തതാണ് ഈ ഫോട്ടോ - നാസയുടെ ചരിത്ര വിഭാഗമായ നാസ ഹിസ്റ്ററി ഓഫീസ് ട്വീറ്റ് ചെയ്‍തു.