പാര്‍ക്കര്‍ സോളാര്‍ പ്രോബ് സൂര്യനിലേക്ക് കുതിച്ചു

ഫ്‌ളോറിഡ: നാസയുടെ സൗരപദ്ധതി പാര്‍ക്കര്‍ സോളാര്‍ പ്രോബ് വിക്ഷേപിച്ചു. ഫ്‌ളോറിഡയിലെ കേപ് കനാവര്‍ സ്റ്റേഷനില്‍ നിന്ന് ഇന്ന് ഉച്ചയ്ക്ക് ഡെല്‍റ്റ നാല് റോക്കറ്റിലാണ് പ്രോബ് വിക്ഷേപിച്ചത്. സൂര്യന്റെ രഹസ്യങ്ങളറിയാന്‍ നാസ വിഭാവനം ചെയ്തതാണ് പാര്‍ക്കര്‍ സോളാര്‍ പ്രോബ് പദ്ധതി.സൗരാന്തരീക്ഷത്തിലേക്ക് നേരിട്ട് കുതിക്കുന്ന പേടകത്തിന് സൂര്യൻ്റെ 40 ലക്ഷം മൈല്‍ വരെ അകലത്തിലെത്താന്‍ സാധിക്കുമെന്നാണ് കരുതുന്നത്.

സൂര്യൻ്റെ പുറം പാളിയായ കൊറോണയെക്കുറിച്ച് പഠിക്കുകയാണ് നാസയുടെ ദൗത്യത്തിന്റെ ലക്ഷ്യം. കാറിൻ്റെ വലിപ്പമുള്ള പേടകം ഫ്‌ളോറിയഡയിലെ കാനവെറല്‍ വിക്ഷേപണ കേന്ദ്രത്തില്‍നിന്നാണ് അയക്കുക.ഡെല്‍റ്റ4 എന്ന ശക്തിയേറിയ റോക്കറ്റിലാണ് പേടകത്തെ ബഹിരാകാശത്ത് എത്തിക്കുന്നത്. ഏഴുവര്‍ഷമാണ് ദൗത്യത്തിന്റെ കാലാവധി.