കാലാപാനിയിൽ സെൻസസ് നടത്താൻ നേപ്പാൾ നീക്കം; എതിർപ്പറിയിച്ച് ഇന്ത്യ

കാഠ്മണ്ഡു: ഭൂപട പരിഷ്കാരത്തിനു പിന്നാലെ സെൻസസിനൊരുങ്ങി നേപ്പാൾ. ഇന്ത്യൻ പ്രദേശങ്ങളായ ലിപുലേഖ്, ലിംപിയാധുര, കാലാപാനി എന്നിവിടങ്ങളിലാണ് നേപ്പാൾ സെൻസസിനൊരുങ്ങുന്നത്. ഈ പ്രദേശങ്ങൾ തങ്ങളുടേതാണെന്നുകാട്ടി നേപ്പാൾ അടുത്തിയിടെ ഭൂപടം വരച്ചിരുന്നു. ഇതിനു പിന്നാലെയാണ് നീക്കം.

Also Read: സ്വവ‍ര്‍ഗാനുരാഗികൾ പേടിക്കണം; ഈ 15 രാഷ്ട്രങ്ങൾ ഏറ്റവും അപകടകരം

എന്നാൽ നേപ്പാളിന്റെ നീക്കം അറിയില്ലെന്നാണ് പിത്തോറഗഡ് ജില്ലാ ഭരണകൂടം വ്യക്തമാക്കിയിരിക്കുന്നത്. നേപ്പാൾ സംഘത്തെ ഇന്ത്യൻ പ്രദേശത്ത് പ്രവേശിക്കാൻ അനുവദിക്കില്ലെന്ന് ജില്ലാ ഭരണകൂടം വ്യക്തമാക്കി. 10 വർഷങ്ങൾ കൂടുമ്പോൾ സെൻസസ് എടുക്കുന്ന നേപ്പാളിൽ അടുത്ത വർഷം മേയിലാണ് സെൻസസ് നടക്കേണ്ടത്.

Also Read: സൗദിയില്‍ പ്രതിപക്ഷ പാര്‍ട്ടി: അംഗങ്ങളെല്ലാം നാടുകടത്തപ്പെട്ടവര്‍; ചേരാന്‍ ആരെങ്കിലും ധൈര്യപ്പെടുമോ?

നാഷ്ണൽ പ്ലാനിങ് കമ്മീഷൻ, സെൻട്രൽ ബ്യൂറോ ഓഫ് സ്റ്റാറ്റിസ്റ്റിക്സ് എന്നിവയാണ് സെൻസസെടുക്കുന്നത്. സെൻസസിനായുള്ള ചോദ്യാവലി തയ്യാറായിട്ടുണ്ട്. വിവരം ശേഖരിക്കാൻ കഴിഞ്ഞില്ലെങ്കിൽ മറ്റ് മാർഗങ്ങളും പദ്ധതിയിലുണ്ട്. എന്നാൽ തങ്ങൾ ഇന്ത്യൻ പൗരന്മാരാണെന്നും തങ്ങൾ എന്തിന് സെൻസസിൽ പങ്കെടുക്കണമെന്നുണാണ് ഇന്ത്യൻ പ്രദേശങ്ങളിൽ നിന്നുള്ളവ‍ര്‍ ചോദിക്കുന്നത്.