ഡയാന രാജകുമാരിയെ കൊന്നത് താൻ എന്ന് മുൻ രഹസ്യ ഏജന്‍റ്

ലണ്ടൻ: ഡയാന രാജകുമാരിയുടെ മരണത്തിന് വർഷങ്ങൾക്ക് ശേഷം പുതിയ വെളിപ്പെടുത്തലുമായി മുൻ ബ്രിട്ടീഷ് രഹസ്യ ഏജന്‍റ്. എംഐ 5 ഏജന്‍റായിരുന്ന ജേണ്‍ ഹോപ്‍കിന്‍സാണ് തന്‍റെ മരണകിടക്കയിൽ വെച്ച് നിർണായക വെളിപ്പെടുത്തൽ നടത്തിയിരിക്കുന്നത്.

ഡയാനയെ ബ്രിട്ടീഷ് ഭരണകൂടത്തിന് വേണ്ടി താനാണ് വധിച്ചതെന്ന് 80 കാരനായ ഹോപ്‌കിൻസ് വെളിപ്പെടുത്തി. ബ്രിട്ടീഷ് രാജകുടുംബത്തെ സംബന്ധിക്കുന്ന ധാരാളം രഹസ്യങ്ങൾ ഡയാനക്ക് അറിയാമായിരുന്നു. അവർ ജീവിച്ചിരിക്കുന്നത് കൊട്ടാരത്തിന് ഭീഷണിയായിരുന്നു. അതിനാൽ ബ്രിട്ടീഷ് ഭരണകൂടത്തിന് ഫിലിപ്പ് രാജകുമാരൻ നേരിട്ട് ഡയാനയെ വധിക്കണമെന്ന് ഉത്തരവ് നൽകിയിരുന്നുവെന്ന് ഹോപ്‌കിൻസ് വെളിപ്പെടുത്തി.

ഈ കേസ് തെളിയിക്കാൻ രേഖകളില്ലെന്ന് ഹോപ്‌കിൻസ് പറഞ്ഞു. ഏക സാക്ഷിയായ തന്‍റെ മേധാവി നേരത്തെ മരിച്ചു. 'അവൾ മരിച്ചേ തീരൂ' എന്ന് തന്‍റെ മേധാവി പറഞ്ഞിരുന്നു. എന്നാൽ, ഡയാന ആ മരണം അർഹിച്ചിരുന്നില്ല. താൻ ആ കൊലപാതകം നടത്തിയത് രാജ്യത്തിനും രാജ്ഞിക്കും വേണ്ടിയാണ്- ഹോപ്‌കിൻസ് വ്യക്തമാക്കി. താൻ ആ കാലയളവിൽ 23 പേരെ ഇത്തരത്തിൽ രഹസ്യ വിവരത്തെ തുടർന്ന് കൊലപ്പെടുത്തി. താൻ കൊലപ്പെടുത്തിയ ഏക വനിതയും ഡയാനയാണെന്ന് ഹോപ്‌കിൻസ് വ്യക്തമാക്കി.

New revealation in Diana's death

After many years Hopkins, a secret agent of Britain reveals truth behind Diana's death