ലണ്ടൻ: പഞ്ചാബ് നാഷണൽ ബാങ്ക് വായ്പാതട്ടിപ്പ് കേസിൽ ലണ്ടനിലെ ജയിലില് കഴിയുന്ന ഇന്ത്യന് രത്ന വ്യാപാരി നീരവ് മോദി വീണ്ടും ജാമ്യാപേക്ഷ സമര്പ്പിച്ചു. ലണ്ടനിലെ കോടതിയിലാണ് മോദി ജാമ്യാപേക്ഷ സമർപ്പിച്ചിരിക്കുന്നത്. ജാമ്യാപേക്ഷയിൽ ജൂൺ 11ന് വാദം കേൾക്കുമെന്ന് ക്രൗൺ പ്രോസിക്യൂഷൻ സർവീസ് അറിയിച്ചു. ലണ്ടനിലെ വാൻഡ്സ് വർത്ത് ജയിലിലാണ് 48-കാരനായ നീരവ് മോദി ഇപ്പോള് കഴിയുന്നത്. കഴിഞ്ഞദിവസം നീരവ് മോദിയുടെ റിമാൻഡ് കാലാവധി ലണ്ടൻ കോടതി ജൂണ് 27 വരെ നീട്ടിയിരുന്നു. ഇന്ത്യക്ക് വിട്ടുനൽകിയാൽ ഏതുജയിലിലായിരിക്കും തടവിലിടുക എന്നതിനെ സംബന്ധിച്ച് 14 ദിവസത്തിനകം വിവരങ്ങൾ നൽകണമെന്നും കോടതി ആവശ്യപ്പെട്ടിട്ടുണ്ട്. ബാങ്കിനെ കബളിപ്പിച്ചതിലൂടെ നീരവ് മോദിയാണോ പ്രധാന നേട്ടമുണ്ടാക്കിയതെന്ന് ജഡ്ജി ആരായുകയും ചെയ്തിരുന്നു.
പിഎന്ബി തട്ടിപ്പ്: ജാമ്യം തേടി നീരവ് മോദി വീണ്ടും കോടതിയില്
ലണ്ടനിലെ കോടതിയിലാണ് മോദി ജാമ്യാപേക്ഷ സമർപ്പിച്ചിരിക്കുന്നത്. ജാമ്യാപേക്ഷയിൽ ജൂൺ 11ന് വാദം കേൾക്കുമെന്ന് ക്രൗൺ പ്രോസിക്യൂഷൻ സർവീസ് അറിയിച്ചു
Samayam Malayalam 31 May 2019, 8:07 pm
ഹൈലൈറ്റ്:
- ജാമ്യം തേടി നീരവ് മോദി വീണ്ടും കോടതിയില്
- ലണ്ടനിലെ കോടതിയിലാണ് ജാമ്യാപേക്ഷ സമർപ്പിച്ചിരിക്കുന്നത്
- ജൂൺ 11ന് വാദം കേൾക്കുമെന്ന് ക്രൗൺ പ്രോസിക്യൂഷൻ സർവീസ്