സോള്: അതിര്ത്തിയില് ഏറ്റമുട്ടി ഉത്തര കൊറിയയും ദക്ഷിണ കൊറിയയും. ഉത്തര കൊറിയന് ഭരണാധികാരി കിം ജോങ് ഉന് 20 ദിവസത്തെ അനിശ്ചിതത്വത്തിന് ശേഷം മടങ്ങിയെത്തിയതിന്റെ പിറ്റേ ദിവസമാണ് കൊറിയകള് തമ്മിലുള്ള സംഘര്ഷം രൂക്ഷമായത്.
Also Read: 20 ദിവസം കിം ജോങ് ഉന് എവിടെയായിരുന്നു
ഞായറാഴ്ച രാവിലെയാണ് ദക്ഷിണ കൊറിയയുടെ കാവല് പോസ്റ്റിന് സമീപം വെടിവെപ്പുണ്ടായത്. ഉത്തര കൊറിയന് സൈനികര് രാവിലെ 7.41 ഓടെ പലതവണ കാവല് പോസ്റ്റിന് നേരെ വെടിയുതിര്ത്തതായി ദക്ഷിണ കൊറിയയുടെ ജോയിന്റ് ചീഫ്സ് ഓഫ് സ്റ്റാഫ് പറഞ്ഞു.
ദക്ഷിണ കൊറിയന് സൈനികര് രണ്ട് റൗണ്ട് തിരിച്ച് വെടിവെക്കുകയും ചെയ്തതായി റിപ്പോര്ട്ടുണ്ട്. വെടിവെപ്പില് ആര്ക്കും പരിക്കേറ്റതായി റിപ്പോര്ട്ടില്ല.
Also Read: കിം ജോങ് ഉന് പൊതുവേദിയില്
ഉത്തര കൊറിയന് നേതാവ് കിം ജോങ് ഉന്നിന്റെ ആരോഗ്യം സംബന്ധിച്ച് ആഴ്ചകളായി അഭ്യൂഹം പരക്കുകയായിരുന്നു. മെയ് ഒന്നിന് പ്യോങ്യാങ്ങിലെ വളം ഫാക്ടറിയുടെ ഉദ്ഘാടന ചടങ്ങിലാണ് അഭ്യൂഹങ്ങള് അവസാനിപ്പിച്ചുകൊണ്ട് കിം പ്രത്യക്ഷപ്പെട്ടത്. കിം പങ്കെടുത്ത ചടങ്ങിന്റെ ചിത്രങ്ങള് ഉത്തര കൊറിയയിലെ ഔദ്യോഗിക മാധ്യമം പുറത്തുവിട്ടു.
ഏപ്രില് 11-നായിരുന്നു കിം അവസാനമായി പൊതുവേദിയിലെത്തിയത്. 15-ന് മുത്തച്ഛന്റെ ജന്മവാര്ഷിക ചടങ്ങിലും കാണാതായതോടെയാണ് അഭ്യൂഹങ്ങള് പരന്നത്. ഹൃദയശസ്ത്രക്രിയ കഴിഞ്ഞ കിം ഗുരുതരാവസ്ഥയിലാണെന്നായിരുന്നു റിപ്പോര്ട്ട്.