ദക്ഷിണകൊറിയയുടെ യുദ്ധ രഹസ്യങ്ങള്‍ ഉത്തര കൊറിയ ചോര്‍ത്തി

സോള്‍: ദക്ഷിണകൊറിയയുടെ തന്ത്രപ്രധാനമായ യുദ്ധരഹസ്യങ്ങള്‍ ഉത്തരകൊറിയ ചോര്‍ത്തിയതായി റിപ്പോര്‍ട്ട്. ഉത്തരകാറിയയുടെ ഹാക്കര്‍മാരാണ് ദക്ഷിണകൊറിയയുടെ പ്രതിരോധ ശ്ര്യംഖലയില്‍ കയറി യുദ്ധവിവരങ്ങള്‍ ചോര്‍ത്തിയത്. കഴിഞ്ഞ സെപ്തംബറിലാണ് ഉത്തരകൊറിയന്‍ ഹാക്കര്‍മാര്‍ നെറ്റ്‌വര്‍ക്ക് ഹാക്ക് ചെയ്ത് വിവരങ്ങള്‍ ചോര്‍ത്തിയതെന്ന് ദക്ഷിണകൊറിയയിലെ ഡെമോക്രാറ്റിക് പാര്‍ട്ടി നേതാവ് റീ ചോല്‍ ഹീ പറഞ്ഞു.

235 ജിഗാബൈറ്റ് വരുന്ന ഫയലുകള്‍ ചോര്‍ന്നുവെന്നാണ് അദ്ദേഹം പറയുന്നത്. നഷ്ടമായ ഫയലുകളില്‍ ഓപ്പറേഷണല്‍ പ്ലാന്‍ 5015 എന്ന തന്ത്രപ്രധാനഫയലുമുണ്ടെന്നാണ് വിവരം. ഉത്തരകൊറിയന്‍ പ്രസിഡന്റ് കിം ജോംഗ് ഉന്നിനെ എങ്ങനെ വധിക്കണമെന്നടക്കമുള്ള പദ്ധതികള്‍ ഇതിലുണ്ടെന്നാണ് റിപ്പോര്‍ട്ടുകള്‍. ചോര്‍ത്തപ്പെട്ട രേഖകള്‍ ഏതൊക്കെയാണെന്നത് ഇതുവരെ ദക്ഷിണകൊറിയയ്ക്ക് തിരിച്ചറിയാനായിട്ടില്ല.

കഴിഞ്ഞ മെയിലും ദക്ഷിണകൊറിയയുടെ പ്രതിരോധരഹസ്യങ്ങള്‍ സമാനമായ രീതിയില്‍ ഉത്തരകൊറിയന്‍ ഹാക്കര്‍മാര്‍ ചോര്‍ത്തിയിരുന്നു. യു എസ് പ്രസിഡന്റ് ഡൊണാള്‍ഡ് ട്രംപ് ഉത്തരകൊറിയക്കെതിരെ നിരന്തരം യുദ്ധഭീഷണി മുഴക്കുന്നതിനിടെ യുഎസിന്റെ തന്ത്രപ്രധാന സഖ്യകക്ഷിയായ ദക്ഷിണകൊറിയയുടെ യുദ്ധരഹസ്യങ്ങള്‍ ചോര്‍ന്നത് കൊറിയന്‍ മുനമ്പിനെ മൊത്തത്തില്‍ ആശങ്കയിലാഴ്ത്തിയിരിക്കുകയാണ്.

North Korea hackers stole South Korea-U.S. military plans: Yonhap

North Korean hackers may have stolen a large amount of classified military documents, including the latest South Korea-U.S. wartime operational plan, a South Korean ruling party lawmaker said