ദക്ഷിണ കൊറിയയുമായുള്ള എല്ലാ ഔദ്യോഗിക ആശയവിനിമയങ്ങളും നിര്‍ത്തുന്നതായി ഉത്തര കൊറിയ

ദക്ഷിണ കൊറിയയുമായുള്ള എല്ലാ ആശയവിനിമയ സംവിധാനങ്ങളും ഉത്തര കൊറിയ നിര്‍ത്തലാക്കുന്നതായി റിപ്പോര്‍ട്ട്. അതിര്‍ത്തിയില്‍ പ്യോങ്യാങ് വിരുദ്ധ ലഘുലേഖകള്‍ അയക്കുന്നത് സംബന്ധിച്ച് ഇരുകൊറിയകളും തമ്മിലുള്ള സംഘര്‍ഷം നടക്കുന്നതിനിടയിലാണ്‌ ഉത്തര കൊറിയ പുതിയ തീരുമാനം പുറത്തുവിട്ടിരിക്കുന്നത്. ഇരുപക്ഷവും തമ്മിലുള്ള എല്ലാ ഔദ്യോഗിക ആശയവിനിമയ ബന്ധങ്ങള്‍ നിര്‍ത്തലാക്കാന്‍ തീരുമാനിച്ചെന്നും നടപടി ഉടന്‍ പ്രാബല്യത്തിൽ വരുമെന്ന് ഉത്തര കൊറിയന്‍ മാധ്യമങ്ങള്‍ റിപ്പോര്‍ട്ട് ചെയ്യുന്നു.

Also Read: 'മിക്ക ദിവസവും പട്ടിണിയിലാണ്'; മുഖ്യമന്ത്രിക്ക് കുറിപ്പെഴുതി കടുത്തുരുത്തി സ്വദേശി ആത്മഹത്യ ചെയ്തു

ജൂണ്‍ 9ന് ഉച്ചക്ക് 12 മുതല്‍ പ്യോങ്‌യാങ് പൂര്‍ണമായും നിര്‍ത്തിവെയ്ക്കുമെന്ന് ഉത്തര കൊറിയന്‍ വാര്‍ത്താ ഏജന്‍സി റിപ്പോര്‍ട്ട് ചെയ്യുന്നു. വര്‍ക്കേഴ്‌സ് പാര്‍ട്ടി സെന്‍ട്രല്‍ കമ്മറ്റിയും സൗത്ത് കൊറിയന്‍ പ്രസിഡന്‍റെ ബ്ലൂ ഹൗസും തമ്മിലുള്ള ഹോട്ട് ലൈന്‍ സംവിധാനവും നിര്‍ത്തലാക്കിയതില്‍ ഉള്‍പ്പെടുന്നുണ്ട്. ഇത് കൂടാതെ ഇരു രാജ്യത്തെയും സൈനികര്‍ തമ്മിലുള്ള ആശയവിനിമയം നിര്‍ത്തലാക്കി.

Also Read: മൂവാറ്റുപുഴ വധശ്രമം: പെണ്‍കുട്ടിയുടെ സഹോദരന്‍റെ അറസ്റ്റ് ഇന്ന് രേഖപ്പെടുത്തും

ലഘുലേഖകള്‍ അയക്കുന്നതില്‍ നിന്ന് പ്രവര്‍ത്തകരെ തടയണമെന്നും ഇല്ലെങ്കില്‍ ഇരു രാജ്യങ്ങളും ഒപ്പുവെച്ച സൈനിക കരാര്‍ റദ്ദാക്കുമെന്ന് കിമ്മിന്‍റെ സഹോദരി നേരെത്തെ വ്യക്തമാക്കിയിരുന്നു. ഇരു രാജ്യങ്ങളും തമ്മിൽ മൂന്ന് ഉച്ചകോടികൾ നടന്നിട്ടും മാസങ്ങളായി നിലകൊള്ളുന്ന അന്തർ കൊറിയൻ ബന്ധങ്ങളുമായി വരുന്ന ഭീഷണികളെ പിന്തുണച്ച് രാജ്യത്തൊട്ടാകെയുള്ള വൻകിട പൗരന്മാരുടെ റാലികൾ അധികൃതർ സംഘടിപ്പിച്ചിട്ടുണ്ട്. എന്നാല്‍ ആയുധങ്ങൾ ഉപേക്ഷിക്കുന്നതിന് കാര്യമായ നടപടികളൊന്നും സ്വീകരിച്ചിട്ടില്ലെന്ന് വിശകലന വിദഗ്ധർ പറയുന്നത്.