ഉറക്കം തൂങ്ങിയ ഉത്തരകൊറിയന്‍ ഉപപ്രധാനമന്ത്രിയെ വധിച്ചു

സോള്‍: പാർലമെന്‍റ് യോഗത്തിൽ ബഹുമാനക്കുറവ് കാണിച്ചെന്നാരോപിച്ച് ഉത്തര കൊറിയൻ ഉപപ്രധാനമന്ത്രിയെ ഏകാധിപതി കിം ജോങ് ഉന്‍ വധിച്ചു. കഴിഞ്ഞ മാസമായിരുന്നു വധശിക്ഷ നടപ്പാക്കിയത്. ദക്ഷിണ കൊറിയൻ സർക്കാരിന്‍റെ വക്താവാണ് വിവരം പുറത്തുവിട്ടത്. ഉത്തരകൊറിയന്‍ വിദ്യാഭ്യാസ വകുപ്പിന്‍റെ ചുമതല കൂടി വഹിച്ചിരുന്ന കിം യോങ് ജിന്നിനെയാണ് വധിച്ചത്.

ഉത്തരകൊറിയയുടെ പാർലമെന്‍റ് സമ്മേളനത്തിൽ പങ്കെടുക്കവെ കിം ജോങ് ഉൻ കിം യോങ് ജിന്‍ ഉറക്കം തൂങ്ങിയതാണ് വധശിക്ഷക്ക് കാരണം. എന്നാല്‍ പാർട്ടി വിരുദ്ധ, വിപ്ലവ വിരുദ്ധ പ്രക്ഷോഭകൻ എന്ന കുറ്റം ചാർത്തിയാണ് കിമ്മിനെ കൊലപ്പെടുത്തിയെന്ന് ദക്ഷിണ കൊറിയന്‍ വക്താവ് അറിയിച്ചു. ചോദ്യംചെയ്യലിൽ കിം യോങ് ജിൻ മറ്റു കുറ്റങ്ങള്‍ ഏറ്റുപറഞ്ഞതിനാലാണ് വധശിക്ഷ നടപ്പാക്കിയതെന്ന് ഉത്തര കൊറിയ വിശദീകരണം നല്‍കി.