ദക്ഷിണ കൊറിയൻ പൗരനെ കൊലപ്പെടുത്തിയതിൽ മാപ്പ് പറഞ്ഞ് കിം ജോങ് ഉൻ; അപൂർവ്വ നടപടി

സോൾ: ദക്ഷിണ കൊറിയൻ പൗരനെ വെടിവച്ച് കൊന്ന നടപടിയിൽ മാപ്പ് പറഞ്ഞ് ഉത്തരകൊറിയൻ ഏകാധിപതി കിം ജോങ് ഉൻ. നടക്കാൻ പാടില്ലാത്ത സംഭവമാണുണ്ടായത്. അദ്ദേഹം കൊല്ലപ്പെട്ട സംഭവത്തിൽ മാപ്പ് പറയുന്നുവെന്നും കിം വ്യക്തമാക്കിയതായി പ്രസിഡൻ്റ് ഓഫീസ് വ്യക്തമാക്കി.

Also Read: റിയൽ എസ്‌റ്റേറ്റ് ഇടപാടും കോടികളുടെ അഴിമതിയും; കർദിനാൾ ആഞ്ചലോ ബെസിയു രാജിവച്ചു

47കാരനായ ദക്ഷിണ കൊറിയൻ പൗരൻ ഉത്തരകൊറിയയിലേക്ക് കടക്കാൻ ശ്രമിക്കുന്നതിനിടെയാണ് കൊല്ലപ്പെട്ടത്. അതിർത്തി കടന്നതിന് അദ്ദേഹത്തെ വെടിവെച്ച് കൊല്ലുകയായിരുന്നു. പത്തിലധികം പ്രാവശ്യം വെടിവച്ചെന്നാണ് വിദേശ മാധ്യമങ്ങൾ റിപ്പോർട്ട് ചെയ്യുന്നത്. ഇരു രാജ്യങ്ങളും തമ്മിലുള്ള ബന്ധം താറുമാറായി തുടരുന്നതിനിടെയാണ് ഈ സംഭവമുണ്ടായത്.

Also Read: അഞ്ച് വര്‍ഷം നീണ്ട തര്‍ക്കത്തില്‍ വിധി, ബാങ്ക് വിളിക്കാന്‍ ഉച്ചഭാഷിണി ഉപയോഗിക്കാം

പ്രസിഡൻ്റ് മൂണിന് അയച്ച കത്തിൽ കിം ക്ഷമാപണം നടത്തിയെന്നാണ് വിദേശ മാധ്യമങ്ങൾ റിപ്പോർട്ട് ചെയ്യുന്നത്. നടക്കാൻ പാടില്ലാത്ത കാര്യമാണ് നടന്നതെന്ന് അദ്ദേഹം സമ്മതിക്കുന്നുണ്ട്. ഈ സംഭവത്തിൽ ഖേദിക്കുന്നതായും കിം ജോങ് ഉൻ അദ്ദേഹത്തെ അറിയിച്ചു.