മനുഷ്യത്വം മരവിക്കുന്നവര്‍ ഇവളെ കണ്ടു പഠിക്കണം..വീഡിയോ

ന്യു‍ഡല്‍ഹി: മനുഷ്യത്വം മരവിക്കുന്ന ലോകത്ത് ആശ്വാസമാവുന്ന ചില കാഴ്ച്ചകളുമുണ്ട്. അപകടങ്ങള്‍ നടക്കുമ്പോള്‍ പലപ്പോളും കാണികളാവുന്നവരാണ് ഏറെ. സഹായം ചെയ്യാന്‍ മനസ്സുകാണിക്കുന്നവര്‍ വിരളവും. ​ഇവിടെ ഒരു കൊച്ചു ബാലികയാണ് ലോകത്തിനാകമാനം മാതൃകയാവുന്നത്.

കണ്മുന്നില്‍ നടക്കാന്‍ പോകുന്ന അപകടത്തില്‍ നിന്ന് അവള്‍ ഒരു പിഞ്ചുകു‍ഞ്ഞിനെ രക്ഷിക്കാനോടുകയാണ്. സംഭവത്തിന്‍റെ വീഡിയോ ഇപ്പോള്‍ സോഷ്യല്‍ മീഡിയയില്‍ വൈറലായിക്കഴിഞ്ഞു.
സിസിടിവിയില്‍ പതിഞ്ഞ വീഡിയോ അസ്വസ്ഥമാക്കുന്നതാണെങ്കിലും കുഞ്ഞിനെ രക്ഷിക്കാനോടുന്ന പെണ്‍കുട്ടിയുടെ ശ്രമം ജനഹൃദയങ്ങള്‍ കീഴടക്കിയിരിക്കുകയാണ്. ചൈനയിലെ ഷിന്‍ഷിയാങില്‍ മെയ് 9 നാണ് സംഭവം.

ചെന്‍ കെയു എന്ന പെണ്‍കുട്ടി സഹപാഠികള്‍ക്കൊപ്പം നടന്നുപോകുമ്പോഴാണ് വലതു വശത്തുള്ള കെട്ടിടത്തിനു മുകളില്‍ നിന്ന് ഏകദേശം രണ്ടു വയസ്സു പ്രായം തോന്നിക്കുന്ന കുഞ്ഞ് തത്ക്ഷണം വീഴുമെന്ന നിലയില്‍ നില്‍ക്കുന്നതു കണ്ടത്. ചെന്‍ ഉടന്‍ ഒാടി കു‍ഞ്ഞിനെ പിടിക്കാന്‍ ശ്രമിച്ചെങ്കിലും കുഞ്ഞ് നിലത്തു വീഴുകയായിരുന്നു. റോഡില്‍ നിര്‍ത്തിയിട്ടിരുന്ന ബൈക്കില്‍ തട്ടിയതിനാല്‍ കുഞ്ഞ് സാരമായ പരിക്കില്ലാതെ രക്ഷപ്പെടുകയായിരുവെന്നാണ് ചൈന പ്ലസ് റിപ്പോര്‍ട്ട് ചെയ്യുന്നത്.

കുഞ്ഞ് വീണ ഉടനെ ചെന്‍‍ വാരിയെടുത്ത് പരിക്കുകളുണ്ടോ എന്ന പരിശോധിക്കുന്നതും വീഡിയോയില്‍ കാണാം. കുഞ്ഞ് തന്‍റെ അമ്മയെ തേടിയാണ് കെട്ടിടത്തിനു മുകളിലെത്തിയത്.




On Camera, Schoolgirl Tries To Catch Toddler Falling From Third Floor

A heartstopping video that shows a schoolgirl lunging forward to catch a toddler falling from a building's third floor is currently circulating on social media.