ദുബായ് വാഹനാപകടത്തില്‍ മരിച്ചവരില്‍ ഒരാള്‍ ഇന്ത്യക്കാരന്‍; പരിക്കേറ്റവരില്‍ അഞ്ച് ഇന്ത്യക്കാര്‍

ദുബായ്: കഴിഞ്ഞ ദിവസം ദുബായിലുണ്ടായ വാഹനാപകടത്തില്‍ മരിച്ച എട്ടുപേരില്‍ ഒരാള്‍ ഇന്ത്യക്കാരനാണെന്ന് സ്ഥിരീകരിച്ചു. ഒരാള്‍ പാകിസ്താനിയും മറ്റു ആറുപേര്‍ നേപ്പാള്‍ പൗരന്‍മാരുമാണ്.

പരിക്കേറ്റ ആറുപേരില്‍ അഞ്ചുപേര്‍ ഇന്ത്യക്കാരാണ്. ഒരാള്‍ ബംഗ്ലാദേശ് പൗരനാണ്. ഇവരില്‍ രണ്ടുപേരുടെ നില ഗുരുതരമാണ്.

തിങ്കളാഴ്‍ച പുലര്‍ച്ചെ 4.54-ന് ശൈഖ് മുഹമ്മദ് സായിദ് റോഡിലാണ് അപകടമുണ്ടായത്. ഷാര്‍ജ ഭാഗത്തേക്ക് തൊഴിലാളികളുമായി പോവുകയായിരുന്ന 14 പേര്‍ക്ക് സഞ്ചരിക്കാവുന്ന മിനി ബസ് നിര്‍ത്തിയിട്ട ട്രക്കിന് പിന്നില്‍ ഇടിക്കുകയായിരുന്നു. ദുബായ് -ഷാര്‍ജ റോഡില്‍ മിര്‍ദിഫ് സിറ്റി സെന്‍റര്‍ എക്സിറ്റിന് സമീപത്താണ് അപകടമുണ്ടായത്.

ബസ് ഡ്രൈവറും ഏഴ് യാത്രക്കാരും സംഭവസ്ഥലത്തുവെച്ച് തന്നെ മരിച്ചതായി ദുബായ് പോലീസ് അറിയിച്ചു.