കാമറൂണിൽ ട്രെയിൻ അപകടത്തിൽ 53 പേർ കൊല്ലപ്പെട്ടു

യൊന്‍ഡെ: മധ്യ ആഫ്രിക്കൻ രാജ്യമായ കാമറൂണിൽ ട്രെയിൻ പാളം തെറ്റി 53 53 പേര്‍ മരിച്ചു. യോൻഡെക്കും ഡൗളക്കും ഇടയിൽ വെച്ചയിരുന്നു അപകടം. 600 ലധികം പേർക്ക് അപകടത്തിൽ പരിക്കേറ്റു. എസേക്കക്ക് സമീപത്തു വെച്ച് പാളം തെറ്റിയ ട്രെയിൻ കീഴ്‍മേല്‍ മറി‍‍ഞ്ഞു. 600 പേർ യാത്ര ചെയ്യേണ്ട ട്രെയിനിൽ ഇരട്ടിയിലധികം പേര്‍ യാത്ര ചെയ്തതാണ് അപകടകാരണമെന്നാണ് നിഗമനം.

കനത്ത മഴയും മണ്ണിടിച്ചിലും കാരണം റോഡു ഗതാഗതം തടസപ്പെട്ടതിനെ തുടര്‍ന്ന് യാത്രക്കാർക്കായി എട്ട് ബോഗികൾ അധികമായി ട്രെയിനിൽ ഘടിപ്പിച്ചിരുന്നു. മരണസംഖ്യ ഇനിയും ഉയരാൻ സാധ്യതയുണ്ടെന്ന് ഗതാഗത മന്ത്രി അറിയിച്ചു.



Overloaded train derails in Cameroon, killing at least 53