ഷർബത് ഗുലയുടെ ജാമ്യാപേക്ഷ പാക് കോടതി തള്ളി

ഇസ്ളാമാബാദ്: പാകിസ്ഥാനിൽ അറസ്റ്റിലായ അഫ്ഘാൻ അഭയാർഥി ഷർബത് ഗുലക്ക് ജാമ്യം ലഭിച്ചില്ല. 'അഫ്ഘാന്‍ മൊണലിസ' എന്ന പേരിലാണ് ഗുല പ്രശസ്തയായത്. വ്യാജ തിരിച്ചറിയൽ കാർഡുണ്ടാക്കി എന്നതാണ് ഗുലക്കെതിരെയുള്ള കേസ്. ക്ഷമാപണം നടത്താൻ പ്രത്യേക കോടതി ഗുലയോട് ആവശ്യപ്പെട്ടെങ്കിലും ഗുല അത് നിരസിച്ചെന്നു കോടതി നിരീക്ഷിച്ചു.

ഗുലയെ 14 ദിവസത്തെ റിമാൻഡിൽ പെഷവാറിലെ സെൻട്രൽ ജയിലിലേക്ക് വിട്ടു.ഒക്ടോബര്‍ 26നാണ് പാക് ഫെഡറല്‍ ഇന്‍വെസ്റ്റിഗേഷന്‍ ഏജന്‍സി ഗുലയെ പെഷവാറിലെ വീട്ടില്‍ നിന്നും കസ്റ്റഡിയിലെടുത്തത്. ഗുലക്ക് പാക് പൗരത്വം നല്‍കിയ മൂന്ന് നാദ്ര ഉദ്യോഗസ്ഥര്‍ക്കെതിരെയും എഫ്.എ.ഐ അന്വേഷണം നടത്തുന്നുണ്ട്. ഏഴു മുതല്‍ 14 വര്‍ഷം വരെ ജയില്‍ വാസം ലഭിക്കാവുന്ന കുറ്റമാണിത്. പാക് തിരിച്ചറിയൽ കാർഡ് വ്യാജമായി ഉണ്ടാക്കി പിടിയിലാകുന്ന അഫ്ഘാൻ അഭയാർഥികളിൽ ഒരാൾ മാത്രമാണ് ഗുല.

Pak special court rejected Sharbat gula's bail plea

Sharbat Gula is an afghan refugee got fame through a photo of her printed as cover page of an international magazine. She was arrested in Pakistan for creating fake Pak ID.