കുവൈറ്റ് പ്രതിനിധിയുടെ പേഴ‍്‍സ് മോഷ്ടിച്ച് പാക് ഉദ്യോഗസ്ഥൻ

ഇസ്ലാമാബാദ്: കുവൈറ്റ് പ്രതിനിധിയുടെ പേഴ‍്‍സ് മോഷ്ടിക്കുന്ന പാക് സർക്കാർ ഉദ്യോഗസ്ഥൻെറ വീഡിയോ പുറത്ത്. ദൃശ്യങ്ങൾ വൈറലായതോടെ രാജ്യത്തിന് തന്നെ നാണക്കേട് ഉണ്ടാക്കിയിരിക്കുകയാണ് ഉദ്യോഗസ്ഥൻ. ഇയാളെ സർവീസിൽ നിന്ന് പുറത്താക്കി.

നിക്ഷേപ പദ്ധതി ചര്‍ച്ചക്കായി പാകിസ്ഥാനിൽ എത്തിയതായിരുന്നു കുവൈറ്റ് പ്രതിനിധി. രണ്ട് ദിവസം നീണ്ട പരിപാടി അവസാനിച്ച ശേഷമാണ് തൻെറ പേഴ്സ് നഷ്ടമായത് പ്രതിനിധിക്ക് മനസ്സിലായത്. ഇതോടെ അധികൃതരോട് പരാതി പറയുകയായിരുന്നു.

സിസി ടിവി ദൃശ്യങ്ങൾ പരിശോധിച്ചതോടെയാണ് പാക് ഉദ്യാഗസ്ഥ്ൻ കുടുങ്ങിയത്. പാകിസ്ഥാനിലെ ദേശീയ ദിനപത്രമായ ഡോൺ തന്നെയാണ് ഇത് സംബന്ധിച്ച വാർത്ത ആദ്യമായി പുറത്ത് വിട്ടത്. പാക് സർക്കാരിലെ മുതിർന്ന പോസ്റ്റിലുള്ള ഉദ്യോഗസ്ഥനാണ് മോഷണം നടത്തിയത്.