ഇസ്ലാമാബാദ്: ഇന്ത്യന് പ്രധാനമന്ത്രി നരേന്ദ്ര മോദിയോട് സഹായം അഭ്യര്ഥിച്ച് പാകിസ്ഥാനിലെ രാഷട്രീയ നേതാവ്. പാകിസ്ഥാനിലെ മുത്തഹിദ ഖ്വാമി മൂവ്മെന്റ് സ്ഥാപകനായ അല്ത്താഫ് ഹുസൈനാണ് ഇന്ത്യയില് അഭയം തരണമെന്ന് നരേന്ദ്ര മോദിയോട് അഭ്യര്ഥിച്ചിരിക്കുന്നത്.
''പ്രധാനമന്ത്രി നരേന്ദ്ര മോദി അനുവദിക്കുകയാണെങ്കില് ഞാനും സഹപ്രവര്ത്തകരും ഇന്ത്യയിലേക്ക് വരും. എന്റെ പിതാമഹനെ അടക്കം ചെയ്ത മണ്ണാണ് ഇന്ത്യയിലേത്. പിതാമഹന് മാത്രമല്ല, എന്റെ ബന്ധുക്കളായ ആയിരക്കണക്കിനാളുകള് ഉറങ്ങുന്ന് ഇന്ത്യയുടെ മണ്ണിലാണ്. ഇന്ത്യയിലേക്ക് പോയി അവരുടെയൊക്കെ കുഴിമാടങ്ങള് എനിക്ക് സന്ദര്ശിക്കണം.'' - അല്ത്താഫ് ഹുസൈന് പറഞ്ഞു.
Also Read കഞ്ചാവ് തോട്ടം സംരക്ഷിക്കാന് തീയിട്ടു; രാജ്യം മുഴുവന് കാട്ടുതീയില് വെന്തുരുകുന്നു
കറാച്ചിയിലുള്ള തന്റെ സ്വത്തുക്കളും വീടും ഓഫീസുമെല്ലാം 2017 ഓഗസ്റ്റ് 22-ന് പിടിച്ചെടുത്തുവെന്നും അദ്ദേഹം മോദിയോടുള്ള അഭ്യര്ഥനയില് പറയുന്നു. ഇന്ത്യയില് അഭയം നല്കാന് സാധിക്കില്ലെങ്കില് സാമ്പത്തിക സഹായമെങ്കിലും ചെയ്യണമെന്നും അദ്ദേഹം അഭ്യര്ഥിക്കുന്നു.
Also Read ശ്രീലങ്കയില് ഗോതബായ രാജപക്സെ പ്രസിഡന്റ്; ജനങ്ങളുടെ വിധി അംഗീകരിക്കുന്നുവെന്ന് സജിത് പ്രേമദാസ
തീവ്രവാദ ബന്ധത്തിന്റെ പേരില് ഒക്ടോബര് 10-ാണ് ഹുസൈനെതിരെ യുകെ ക്രൗണ് പ്രോസിക്യൂഷന് സര്വീസ് കുറ്റം ചുമത്തിയത്. 2016-ല് പാകിസ്ഥാനിലെ തന്റെ അനുയായികളെ അഭിസംബോധന ചെയ്ത് ഹുസൈന് യുകെയില് വെച്ച് നടത്തിയ പ്രസംഗം വിദ്വേഷമുണ്ടാക്കുന്ന തരത്തിലുള്ളതായിരുന്നുവെന്ന് പറഞ്ഞാണ് കേസെടുത്തതെന്ന് ജിയോ ന്യൂസ് റിപ്പോര്ട്ട് ചെയ്തു.
Also Read എരിതീയില് എണ്ണയൊഴിച്ച് ചൈന; ചൂലും ബക്കറ്റുമായി ചൈനീസ് പട്ടാളം ഹോങ്കോങ് തെരുവില്
2020-ല് ഹുസൈന് യുകെയില് വിചാരണയ്ക്ക് വിധേയനാകേണ്ടതുണ്ട്. ജാമ്യം നല്കിയപ്പോഴുള്ള ഉപാധികളുടെ അടിസ്ഥാനത്തില് അദ്ദേഹത്തിന്റെ പാസ്പോര്ട്ട് അതുവരെ യുകെ പോലീസിന്റെ കസ്റ്റഡിയിലായിരിക്കും. കോടതിയുടെ അനുവാദമില്ലാതെ യാത്രാരേഖകള്ക്കായി അപേക്ഷിക്കാനുമാകില്ല.
കേസില് വിചാരണ കാത്തിരിക്കുമ്പോള് മോദിയുടെ സഹായം തേടിയത് ജാമ്യവ്യവസ്ഥയുടെ ലംഘനമാകുമോ എന്ന് അദ്ദേഹത്തിന്റെ അഭിഭാഷകന് പരിശോധിച്ചുവരികയാണ്. ജാമ്യവ്യവസ്ഥയില് ഇളവ് വരുത്തിയ ശേഷം നടത്തിയ ആദ്യത്തെ പൊതുപ്രസംഗത്തിലാണ് ഹുഹൈസന് മോദിയുടെ സഹായം അഭ്യര്ഥിച്ചത്.
Also Read അമേരിക്കന് ഉപരോധത്തില് ഞെരുങ്ങി ഇറാന്: റൂഹാനി സര്ക്കാരിനെതിരെ പ്രക്ഷോഭം ശക്തം; ഒരാള് കൊല്ലപ്പെട്ടു
ഹുസൈന്റെ മുത്തഹിദ ക്വാമി മൂവ്മെന്റ് (എംക്യുഎം) തെക്കന് പാകിസ്ഥാനിലെ സിന്ധ് പ്രവിശ്യയിലെ നഗരങ്ങളില് സ്വാധീനമുള്ള പാര്ട്ടിയാണ്. കറാച്ചിയിലും ഹുസൈനും പാര്ട്ടിക്കും സ്വാധീനമുണ്ട്.