പാരീസ്: റഫാൽ വിമാനങ്ങൾ പറത്താൻ പാക് പൈലറ്റുമാർക്ക് പരിശീലനം നൽകിയതായി റിപ്പോർട്ട്. ദസോ എവിയേഷൻ പാക് പൈറ്റുമാർക്ക് പരിശീലനം നൽകിയതായാണ് എൻഡിടിവി റിപ്പോർട്ട് ചെയ്തിരിക്കുന്നത്. ഖത്തർ എയർഫോഴ്സിനായി വിമാനങ്ങൾ പറത്താനാണ് പാക് പൈലറ്റുമാരെ നൽകിയത്. ഇവർക്കാണ് പരിശീലനം നൽകിയതെന്നും റിപ്പോർട്ടിൽ പറയുന്നു. കഴിഞ്ഞ ഫെബ്രുവരിയിൽ പാക് പൈലറ്റുമാർ പരിശീലനം പൂർത്തിയാക്കിയതായി ദസോ വ്യക്തമാക്കുന്നു. പൈലറ്റുമാരുടെ ആദ്യബാച്ചിന് പരിശീലനം നൽകിയത് നവംബർ 2017ലാണ്. പിന്നീടും നിരവധി പൈലറ്റുമാർക്ക് പരിശീലനം നൽകിയെന്നും റിപ്പോർട്ടിൽ പറയുന്നു. 24 റഫാൽ വിമാനങ്ങൾ ഖത്തർ ഫ്രാൻസിൽനിന്നും വാങ്ങുന്നുണ്ട്.
ഫെബ്രുവരി ആറിനാണ് ഖത്തറിന് ആദ്യവിമാനം കൈമാറിയത്. 2015 മെയിലാണ് ഖത്തർ ആദ്യ ഓർഡർ നൽകിയത്. 2017 ഡിസംബറിൽ 12 വിമാനങ്ങൾക്കുകൂടി ഖത്തർ ഓർഡർ നൽകി.
അതേസമയം പാകിസ്ഥാൻ പൈലറ്റുമാർക്ക് റഫാൽ പറത്താൻ പരിശീലനം ലഭിച്ചതായുള്ള വാർത്ത ഫ്രഞ്ച് അംബാസിഡർ തള്ളി. വാർത്ത വ്യാജമാണെന്നും അദ്ദേഹം വ്യക്തമാക്കി.
ഫെബ്രുവരി ആറിനാണ് ഖത്തറിന് ആദ്യവിമാനം കൈമാറിയത്. 2015 മെയിലാണ് ഖത്തർ ആദ്യ ഓർഡർ നൽകിയത്. 2017 ഡിസംബറിൽ 12 വിമാനങ്ങൾക്കുകൂടി ഖത്തർ ഓർഡർ നൽകി.
അതേസമയം പാകിസ്ഥാൻ പൈലറ്റുമാർക്ക് റഫാൽ പറത്താൻ പരിശീലനം ലഭിച്ചതായുള്ള വാർത്ത ഫ്രഞ്ച് അംബാസിഡർ തള്ളി. വാർത്ത വ്യാജമാണെന്നും അദ്ദേഹം വ്യക്തമാക്കി.