Parts Unknown Anchor And Celebrity Chef Anthony Bourdain Dies
ആന്തണി ബോര്ഡെയ്ന് ആത്മഹത്യ ചെയ്‍തു
ലോക പ്രശസ്‍ത ടെലിവിഷന്‍ അവതാരകന്‍ ആത്മഹത്യ ചെയ്‍തു
Samayam Malayalam8 Jun 2018, 9:12 pm
ലോകം മുഴുവന്‍ ആരാധകരുള്ള പാചക വിദഗ്‍ധനും ടെലിവിഷന്‍ അവതാരകനും എഴുത്തുകാരനുമായ ആന്തണി ബോര്ഡെയ്ന് ആത്മഹത്യ ചെയ്‍തു. 61 വയസായിരുന്നു. ഫ്രാന്‍സിലെ ഒരു ഹോട്ടലില്‍ അദ്ദേഹത്തെ മരിച്ച നിലയില്‍ കണ്ടെത്തുകയായിരുന്നു.
Samayam Malayalamആന്തണി ബോര്ഡെയ്ന് ആത്മഹത്യ ചെയ്‍തു
അമേരിക്കന്‍ ടെലിവിഷന്‍ ചാനല്‍, സിഎന്‍എന്‍ സംപ്രേഷണം ചെയ്‍ത 'പാര്‍ട്‍സ്‍ അണ്‍നോണ്‍' എന്ന പാചക-യാത്ര പരിപാടിയിലൂടെയാണ് അദ്ദേഹം പ്രശസ്‍തനാകുന്നത്. നൂറില്‍ അധികം രാജ്യങ്ങളില്‍ സഞ്ചരിക്കുകയും അവിടുത്തെ പാചകരീതികളും സംസ്‍കാരവും പ്രതിഫലിക്കുന്ന രീതിയില്‍ അവതരണം നടത്തുകയുമായിരുന്നു ബോര്‍ഡെ‍‍യ്‍നിന്‍റെ രീതി.
പത്ത് വര്‍ഷത്തോളം ഷെഫ് ആയി ജോലി നോക്കിയശേഷമാണ് ബോര്ഡെയ്ന് ടെലിവിഷന്‍ അവതാരകനാകുന്നത്. ആത്മകഥാംശമുള്ള അവതരണത്തിലൂടെ അദ്ദേഹം കാഴ്‍ച്ചക്കാരെ സ്വാധീനിച്ചു. അഞ്ച് വര്‍ഷം മുന്‍പാണ് സിഎന്‍ന്‍ ചാനലില്‍ പാര്‍ട്ട്സ്‍ അണ്‍നോണ്‍ എന്ന പേരില്‍ അദ്ദേഹം പരിപാടി ആരംഭിച്ചത്. ഇതേ പരമ്പരയുടെ ചിത്രീകരണത്തിനായാണ് ബോര്ഡെയ്ന് ഫ്രാന്‍സില്‍ എത്തിയത്.
'നോ റിസര്‍വേഷന്‍സ്' എന്ന യാത്രാ-പാചക പരിപാടിയാണ് ആദ്യം ബോര്ഡെയ്ന് കൈകാര്യം ചെയ്‍തിരുന്നത്. 2009ല്‍ ഈ പരിപാടിയിലൂടെ അമേരിക്കന്‍ ടെലിവിഷന്‍ മീഡിയ അവാര്‍ഡ് ആയ എമ്മി പുരസ്‍കാരം അദ്ദേഹം നേടിയിരുന്നു.
എഴുത്തുകാരന്‍ എന്ന നിലയിലും ബോര്ഡെയ്ന് തിളങ്ങി. പാചക അനുഭവങ്ങള്‍ക്കു പുറമെ സാഹിത്യവും അദ്ദേഹം എഴുതിയിരുന്നു. രണ്ട് തവണ വിവാഹിതനായ ബോര്ഡെയ്ന് ഒരു മകളുണ്ട്. അദ്ദേഹത്തിന്‍റെ മരണം സിഎന്‍എന്‍ ആണ് പുറത്തുവിട്ടത്. വിഷാദമാണ് ബോര്‍ഡെയ്‍ന്‍റെ ജീവന്‍ എടുത്തതെന്ന് സ്ഥിരീകരിക്കാത്ത റിപ്പോര്‍ട്ടുകളുണ്ട്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
