വാഷിങ്ടണ്: അമേരിക്കയില് വിമാനം തകര്ന്ന് രണ്ട് കുട്ടികള് ഉള്പ്പെടെ ഒമ്പത് പേര് കൊല്ലപ്പെട്ടു. മൂന്നുപേര്ക്ക് പരിക്കേല്ക്കുകയും ചെയ്തു. ശീതക്കാറ്റ് മുന്നറിയിപ്പ് നിലനിന്നിരുന്ന
സൗത്ത് ഡക്കോട്ടയിലാണ് അപകടമുണ്ടായത്.
Also Read 'അയാള് ഹീറോ അല്ല'; നിസ്സഹായയായ പെണ്കുട്ടിയെ ഇല്ലാതാക്കിയവന്; ലണ്ടന് ബ്രിഡ്ജ് അക്രമിയെ തടഞ്ഞുനിര്ത്തിയത് കൊലക്കേസ് പ്രതി
വിമാനത്തിന്റെ പൈലറ്റും മരിച്ചവരില് ഉള്പ്പെടുന്നതായി ബ്രൂള് കൗണ്ടി അറ്റോര്ണി ജനറല് തെരേസ മൗള് റോസ്സോ അറിയിച്ചു. 12 പേരാണ് വിമാനത്തില് ഉണ്ടായിരുന്നത്.
അപകടത്തെ അതിജീവിച്ച മൂന്നുപേരെ പരിക്കുകളോടെ ആശുപത്രിയില് പ്രവേശിപ്പിച്ചു.
ഇദാഹോ ഫാള്സ് റീജണല് വിമാനത്താവളത്തിലേക്ക് പുറപ്പെട്ട വിമാനമാണ് തകര്ന്നത്. പ്രദേശിക സമയം ശനിയാഴ്ച ഉച്ചയോടെയായിരുന്നു അപകടം. നാഷണല് ട്രാന്സ്പോര്ട്ടേഷന് സേഫ്റ്റി ബോര്ഡ് (എന്ടിഎസ്ബി) അപകടസ്ഥലത്ത് എത്തിയിട്ടുണ്ടെന്നും അന്വേഷണം തുടങ്ങിയതായും ഫെഡറല് ഏവിയേഷന് അഡ്മിനിസ്ട്രേഷന് അറിയിച്ചു. അന്വേഷണം തുടങ്ങിയതായി എന്ടിഎസ്ബി ട്വീറ്റ് ചെയ്തു.
Also Read 'നിങ്ങളുടെ വഴിയില് ഒരു പീഡകന്'; ലോകത്തെ പ്രകമ്പനം കൊള്ളിച്ച് പ്രതിരോധ ഗാനം
വടക്കന് മേഖലയിലുള്ള ഡക്കോട്ടയില് ഇപ്പോള് ശക്തമായ കാറ്റാണ്. അമേരിക്കയില് ഉടനീളം കിഴക്കന് ദിശയിലേക്ക് ശക്തമായ കാറ്റാണ് ഇപ്പോള്. ഞായറാഴ്ച ഉച്ചവരെ ബ്രൂള് കൗണ്ടിയില് ശക്തമായ ശീതക്കാറ്റ് ഉണ്ടാകുമെന്ന് മുന്നറിയിപ്പുണ്ടായിരുന്നു. ബ്രൂള് കൗണ്ടിയിലാണ് ഷാംബെര്ലെയ്ന് വിമാനത്താവളം. ശക്തമായ കാറ്റില് കാഴ്ച കുറഞ്ഞതായിരിക്കാം അപകടകാരണമെന്നാണ് കരുതുന്നത്.