യുഎഇയുടെ യാത്രാ വിമാനം ഖത്തർ തടഞ്ഞു: ആരോപണം തള്ളി ഖത്തർ

ദോഹ: യു.എ.ഇയുടെ യാത്രാ വിമാനം ഖത്തര്‍ സൈനിക വിമാനം തടഞ്ഞുവെന്ന് സൂചന. എന്നാല്‍ ഖത്തര്‍ ആരോപണം നിഷേധിച്ചു. മനാമയില്‍ നിന്നു ഖത്തറിലേക്ക് യാത്ര ചെയ്യുകയായിരുന്ന വിമാനമാണ് തടഞ്ഞത്. ഖത്തര്‍ രാജകുടുംബാംഗത്തെ യു.എ.ഇയില്‍ തടവില്‍ പാര്‍പ്പിച്ചിരിക്കുന്നു എന്ന് വാര്‍ത്ത വന്നതിന് പിന്നാലെയാണ് രാജ്യാന്തര ഏവിയേഷന്‍ നിയമങ്ങളുടെ ലംഘനം ഖത്തര്‍ നടത്തിയതെന്ന് യുഎഇ ജനറല്‍ അതോറിറ്റി ഓഫ് സിവില്‍ വേിയേഷന്‍ ആരോപിച്ചു.

വിമാനം തടഞ്ഞതുമായി ബന്ധപ്പെട്ട് ജനറല്‍ സിവില്‍ ഏവിയേഷന്‍ അതോറിറ്റിക്ക് യുഎഇ പരാതി നൽകി.
എന്നാല്‍ യുഎഇയുടെ വ്യോമറൂട്ടിലേക്ക് അതിക്രമിച്ച് കയറിയെന്ന ആരോപണം ഖത്തര്‍ നിഷേധിച്ചു.
തീവ്രവാദികളെ പിന്തുണക്കുന്നെന്നാരോപിച്ച് യുഎഇ ഖത്തറിന് മേല്‍ ഉപരോധം ഏര്‍പ്പെടുത്തിയിരുന്നു.