ഒളിഞ്ഞിരിക്കുന്നത് 17 ലക്ഷത്തോളം വൈറസുകള്; പുതുതായി 5 രോഗങ്ങള്, ജന്തുക്കളില് നിന്ന് മനുഷ്യരിലേക്ക് അതിവേഗം
വന്യജീവികളും സസ്തനികളിലും പക്ഷികളിലും ഈ വൈറസുകള് പതിയിരിപ്പുണ്ടെന്ന് ഗവേഷകര് മുന്നറിയിപ്പ് നല്കുന്നു.
5.4 - 8.5 ലക്ഷം വരെ വൈറസുകള് മനുഷ്യരെ ബാധിക്കും
17 ലക്ഷത്തോളം വൈറസുകളില് 5.4 ലക്ഷം മുതല് 8.5 ലക്ഷം വരെ വൈറസുകള്ക്ക് മനുഷ്യനെ ബാധിക്കാന് തക്ക ശേഷിയുള്ളവയാണ്. ലോകത്തെ 70 ശതമാനം പകര്ച്ചവ്യാധികളും ജന്തുജന്യ വൈറസുകളിലൂടെയാണ് മനുഷ്യരിലേക്ക് വ്യാപിക്കുന്നത്. കൃഷി ആവശ്യങ്ങള്ക്കായി വന്യജീവികളുടെ ആവാസ വ്യവസ്ഥകള് വെട്ടിനശിപ്പിക്കുമ്പോള് ഇവ മനുഷ്യവാസ മേഖലകളിലേയ്ക്ക് ഇറങ്ങിവരുന്നു. പക്ഷികളെയും മൃഗങ്ങളെയും ഫാമില് വളര്ത്തുന്നതും വന്യജീവികടത്തും രോഗം വരുന്ന വഴികളാണ്.
മഹാമാരി കുറയ്ക്കാന് സുസ്ഥിര നടപടികള്
വിപുലമായുള്ള മാംസ ഉപയോഗം കുറയ്ക്കാന് മഹാമാരി നികുതി ഏര്പ്പെടുത്തുന്നത് ലോകരാജ്യങ്ങള് പരിഗണിക്കേണ്ടതാണ്. മഹാമാരി കുറയ്ക്കാന് സുസ്ഥിര നികുതി നടപ്പാക്കാനുള്ള കാര്യങ്ങള് പുരോഗമിക്കുന്നുണ്ട്. പരിസ്ഥിതിയെ സംരക്ഷിക്കുന്ന ഹരിത ബോണ്ടുകളും മറ്റും രൂപപ്പെടുത്താന് ശുപാര്ശയുണ്ട്.
മഹാമാരികള്ക്ക് കാരണം?
ലോകമെമ്പാടും 1960 നു ശേഷം റിപ്പോര്ട്ട് ചെയ്തിട്ടുള്ള മഹാമാരികളില് 30 ശതമാനത്തിനും പിറകില് ഭൂവിനിയോഗത്തില് വന്ന മാറ്റമാണെന്ന് പഠനം പറയുന്നു. ആവാസ വ്യവസ്ഥ നഷ്ടപ്പെട്ട് വേണ്ടത്ര തീറ്റ കിട്ടാതെ അലയുന്ന വവ്വാലുകളും കുരങ്ങുകളും എലികളും ജലപക്ഷികളുമെല്ലാം വൈറസ് പരത്തുന്നവരാണ്.
coronavirus
ലോകമെമ്പാടും ഓരോ വര്ഷവും മഹാമാരികളായി പടര്ന്ന് പിടിക്കാന് സാധ്യതയുള്ള അഞ്ച് രോഗങ്ങള് പുതുതായി രൂപപ്പെടുന്നുണ്ട്. മനുഷ്യരുടെയും മറ്റ് ജന്തുജാലങ്ങളുടെയും പരിസ്ഥിതിയുടെയും ആരോഗ്യം പാലിക്കുന്ന വണ് ഹെല്ത്ത് എന്ന നൂതന ആശയമാണ് ഇനി വേണ്ടതെന്നും ഗവേഷകര് പറയുന്നു.