ബാൽക്കണിയിൽ തൂങ്ങി നിന്ന് രണ്ട് വയസുകാരി
(പ്രതീകാത്മക ചിത്രം)
വിയറ്റ്നാം തലസ്ഥാനമായ ഹനോയിൽ നിന്നാണ് അത്ഭുതകരമായ രക്ഷപ്രവർത്തനത്തിന്‍റെ വാർത്ത റിപ്പോർട്ട് ചെയ്യപ്പെട്ടത്. കെട്ടിടത്തിന്‍റെ പന്ത്രണ്ടാം നിലയിലായിരുന്ന കുട്ടി ബാൽക്കണിയിലൂടെ താഴേക്ക് വീഴുകയായിരുന്നു. ഒരു കൈ ബൽക്കണിയിൽ പിടിച്ച് കുട്ടി തൂങ്ങി നിൽക്കുന്നതും താഴേക്ക് വീഴുന്നതും പ്രചരിക്കുന്ന വീഡിയോയിലുണ്ട്. കുറച്ച് നേരം തൂങ്ങി നിന്ന ശേഷമായിരുന്നു കുട്ടി താഴേക്ക് വീഴുന്നത്. ഇക്കഴിഞ്ഞ ഞായറാഴ്ച വൈകുന്നേരമായിരുന്നു സംഭവം.
രക്ഷകനായി എത്തിയത് ഡെലിവറി ബോയ്
(പ്രതീകാത്മക ചിത്രം)
ഒരു ഡെലിവറിക്കായി ഹനോയിലെത്തിയ നുയൻ ഇൻഗോക് എന്ന 31കാരൻ തന്റെ കാറിൽ ഇരിക്കുമ്പോഴാണ് കുട്ടിയുടെ കരച്ചിൽ കേൾക്കുന്നത്. ആദ്യം ഇത് കാര്യമാക്കിയില്ലെങ്കിലും കുട്ടി ബാൽക്കണിയിൽ തൂങ്ങി നിൽക്കുന്നത് കണ്ടതോടെ വാഹനത്തിൽ നിന്നും ചാടി ഇറങ്ങുകയായിരുന്നു. തുടർന്ന് കെട്ടിടത്തിന്‍റെ താഴേ ഭാഗത്തേക്ക് ചാടിക്കയറിയ ഇയാൾ കുഞ്ഞിന് നേരെ താഴെയായി നിലയുറപ്പിക്കുകയും ചെയ്തു.
കുട്ടിയെ രക്ഷിച്ചത് സാഹസികമായി
(പ്രതീകാത്മക ചിത്രം)
കുട്ടി ബാൽക്കണിയിൽ തൂങ്ങി നിൽക്കുന്നത് കണ്ടയുടൻ നുയൻ ഇൻഗോക് ജനറേറ്റർ റൂമിന്‍റെ ഷീറ്റിനുമുകളിലേക്കാണ് വലിഞ്ഞ് കയറിയത്. എന്നാൽ തനിക്ക് ഇടയ്ക്കെപ്പോഴോ കാലിടറിയിരുന്നെന്നും പക്ഷേ അപകടമൊന്നും കൂടാതെ കുട്ടിയെ രക്ഷിക്കാൻ ആയെന്നും ഇദ്ദേഹം മാധ്യമങ്ങളോട് പറഞ്ഞതായി ടൈംസ് നൗ റിപ്പോർട്ട് ചെയ്യുന്നു. കുഞ്ഞ് തന്റെ മടിയിലേക്കാണ് വീണതെന്നാണ് നുയൻ പറയുന്നത്.
കാഴ്ച കണ്ടപ്പോൾ എന്‍റെ മകളെ ഓർമ്മവന്നു
(പ്രതീകാത്മക ചിത്രം)
ബാൽക്കണിയിൽ കുട്ടി തൂങ്ങി നിൽക്കുന്നത് കണ്ടപ്പോൾ കൂടുതൽ ഒന്നും ആലോചിക്കാനയില്ലെന്നാണ് നുയൻ പറയുന്നത്. 'ആ സംഭവം നടന്നപ്പോൾ ഞാൻ കൂടതൽ ഒന്നും ചിന്തിച്ചില്ല. കുഞ്ഞിനെ കണ്ടപ്പോൾ എന്‍റെ വീട്ടിലുള്ള മകളെകുറിച്ചാണ് ചിന്തിച്ചത്. ഉടൻ തന്നെ അവളെ രക്ഷിക്കാൻ ശ്രമിക്കുകയായിരുന്നു' അദ്ദേഹം പറയുന്നു. കുട്ടി ബാൽക്കണിയിൽ നിന്ന് വീഴുന്നതിന്‍റെയും നുയൻ രക്ഷിക്കുന്നതിന്‍റെയും ദൃശ്യങ്ങളും വ്യാപകമായി പ്രചരിക്കുന്നുണ്ട്. തൊട്ടടുത്ത കെട്ടിടത്തിൽ നിന്നും മറ്റും എടുത്ത വീഡിയോകളാണ് ശ്രദ്ധ നേടുന്നത്.