മേധാവി സ്ഥാനത്ത് നിന്നും ഞാൻ മാറണോ? ട്വിറ്റർ പോളുമായി മസ്ക്; മാറണമെന്ന് ആവശ്യപ്പെട്ട് ഭൂരിപക്ഷം പേരും
പകുതിയിൽ അധികം ആളുകളും ഇലോൺ മസ്ക് മേധാവി സ്ഥാനം ഒഴിയണമെന്നാണ് അഭിപ്രായപ്പെട്ടിരിക്കുന്നത്. മറ്റ് സമൂഹമാധ്യമ പ്ലാറ്റ്ഫോമുകളിലൂടെയുള്ള പ്രചാരണം ട്വിറ്ററിൽ ഇനി അനുവദിക്കില്ലെന്ന നയം അടുത്തിടെ പ്രഖ്യാപിച്ചിരുന്നു. ഈ നീക്കത്തിന് കടുത്ത വിമർശനമാണ് ഉണ്ടായിരുന്നത്. അതിന് പിന്നാലെയാണ് ഈ പോൾ
വാഷിങ്ടൺ: ലോക കോടീശ്വരൻ ഇലോൺ മസ്ക് ട്വിറ്റർ ഏറ്റെടുത്തതിന് പിന്നാലെ വലിയ തരത്തിലുള്ള വിമർശനങ്ങളാണ് ഉയർന്നുവന്നിരുന്നത്. നേരത്തെ ബ്ലോക്ക് ചെയ്തിരുന്ന ട്രംപ് അടക്കമുള്ള വലതുപക്ഷക്കാരുടെ അക്കൗണ്ടുകൾ പുനസ്ഥാപിച്ചതും സബ്സ്ക്രിപ്ഷൻ ചാർജ് ഈടാക്കി ബ്ലൂ ടിക്ക് നൽകിയതുമെല്ലാം വലിയ വിവാദങ്ങൾക്ക് ഇടംവച്ചിരുന്നു.
അതിന് പിന്നാലെ, ട്വിറ്റർ മേധാവി സ്ഥാനത്ത് നിന്നും മാറാൻ ഇലോൺ മസ്ക് തയ്യാറെടുക്കുന്നതായി സൂചന. ഇത് സംബന്ധിച്ച് ഒരു പോൾ ട്വിറ്ററിൽ ഇട്ടതാണ് ഇത്തരത്തിൽ ഒരു സംശയത്തിന് കാരണമായിരിക്കുന്നത്.
നിരവധി വിവാദമായ ഒട്ടേറെ പുതിയ സവിശേഷതകളും നയങ്ങളും കൊണ്ടുവന്നതിന് പിന്നാലെയാണ് ഇത്തരത്തിൽ ഒരു ചോദ്യവുമായി മസ്ക് വന്നിരിക്കുന്നത്. "ഞാൻ ട്വിറ്റർ തലപ്പത്തു നിന്നും ഒഴിയേണോ? ഈ വോട്ടെടുപ്പിന്റെ ഫലങ്ങൾ ഞാൻ പാലിക്കും," മസ്ക് ട്വീറ്റ് ചെയ്തു. "നിങ്ങൾ ആഗ്രഹിക്കുന്നത് ശ്രദ്ധിക്കുക, നിങ്ങൾക്ക് അത് ലഭിച്ചേക്കാം." വോട്ടെടുപ്പ് അതിന്റെ സമയപരിധിയിൽ നിന്ന് ഏകദേശം 10 മണിക്കൂർ ശേഷിക്കെ മറ്റൊരു ട്വീറ്റ് കൂടി അദ്ദേഹം ഇട്ടിരുന്നു.
പല പ്രമുഖർ അടക്കം മസ്കിൻ്റെ പോളിന് കമൻ്റുമായി രംഗത്തുവന്നിട്ടുണ്ട്. പലരും വിമർശിച്ച് തന്നെയാണ് കമൻ്റിട്ടിരിക്കുന്നത് എന്നതാണ് രസകരമായ കാര്യം.
മറ്റ് സമൂഹമാധ്യമ പ്ലാറ്റ്ഫോമുകളിലൂടെയുള്ള പ്രചാരണം ട്വിറ്ററിൽ ഇനി അനുവദിക്കില്ലെന്ന നയം അടുത്തിടെ പ്രഖ്യാപിച്ചിരുന്നു. അതിന്റെ ഭാഗമായി മറ്റ് സോഷ്യൽ മീഡിയാ അക്കൗണ്ടുകൾ പ്രചരിപ്പിക്കുന്നതിനുള്ള ലിങ്കുകൾ, ഫെയ്‌സ്ബുക്ക്, ഇൻസ്റ്റാഗ്രാം, മസ്റ്റഡോൺ, ട്രൂത്ത് സോഷ്യൽ പോലുള്ള മറ്റ് സോഷ്യൽ പ്ലാറ്റ്‌ഫോമുകൾ എന്നിവയ്ക്കായി വിലക്കേർപ്പെടുത്തുമെന്നാണ് ഞായറാഴ്ച ട്വിറ്റർ പ്രഖ്യാപിച്ചത്.
ഇതിന്റെ ഭാഗമായി മറ്റ് സമൂഹമാധ്യമ അക്കൗണ്ടുകൾ ലിങ്കുകൾ അടങ്ങുന്ന ഉള്ളടക്കങ്ങൾ ട്വിറ്റർ നീക്കം ചെയ്യുമെന്നും അറിയിച്ചിട്ടുണ്ട്. അതേസമയം, ഈ മാറ്റങ്ങളിൽ ഉപഭോക്താക്കൾ ഏറെ അസ്വസ്ഥരായിട്ടുണ്ടെന്നാണ് റിപ്പോർട്ടുകൾ.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
