കാഠ്മണ്ഡു: നേപ്പാളിൽ വിമാനം തകർന്നുവീണ് അപകടം (Yeti Flight Crash). പടിഞ്ഞാറൻ നേപ്പാളിലുള്ള പൊഖാറ അന്താരാഷ്ട്ര വിമാനത്താവളത്തിനു സമീപമാണ് സംഭവം. യെതി എയർലൈൻസിൻ്റെ ഇരട്ട എഞ്ചിൻ ATR-72 വിമാനമാണ് അപകടത്തിൽപ്പെട്ടത്. 68 യാത്രക്കാരും നാലു ജീവനക്കാരും ഉൾപ്പെടെ 72 പേരാണ് വിമാനത്തിൽ ഉണ്ടായിരുന്നത്. ഇതുവരെ 67 പേർ മരിച്ചു. കത്തിക്കരിഞ്ഞ നിലയിലാണ് മൃതദേഹങ്ങൾ കണ്ടെടുത്തത്. നേപ്പാൾ പ്രധാനമന്ത്രി പുഷ്പ കമൽ ദഹൽ അടിയന്തര മന്ത്രിസഭാ യോഗം വിളിച്ചു.
കാഠ്മണ്ഡുവിലെ ത്രിഭുവൻ അന്താരാഷ്ട്ര വിമാനത്താവളത്തിൽനിന്നു രാവിലെ 10.33 ന് പുറപ്പെട്ട 72 സീറ്റുള്ള ആഭ്യന്തര വിമാനമാണ് ലാൻഡിങ്ങിനു തൊട്ടുമുമ്പ് തകർന്നുവീണത്. 11 മണിയോടെയാണ് സംഭവം. സെതി നദിയുടെ തീരത്തേക്ക് തകർന്നുവീണ വിമാനം അഗ്നിക്കിരയായി. 53 നേപ്പാളികൾ, അഞ്ച് ഇന്ത്യക്കാർ, നാലു റഷ്യക്കാർ, ഒരു ഐറിഷ് സ്വദേശി, രണ്ട് കൊറിയക്കാർ, ഒരു അർജൻ്റീന സ്വദേശി, ഒരു ഫ്രഞ്ച് സ്വദേശി എന്നിവരാണ് വിമാനത്തിൽ ഉണ്ടായിരുന്നതെന്ന് എയർപോർട്ട് അതോറിറ്റി അറിയിച്ചു. ജീവനക്കാരിൽ രണ്ടു പേർ പൈലറ്റുമാരും രണ്ടു പേർ എയർഹോസ്റ്റസുമാരുമാണ്. അപകടത്തെ തുടർന്നു വിമാനത്താവളം അടച്ചാണ് രക്ഷാപ്രവർത്തനം നടത്തിയത്.
കാഠ്മണ്ഡുവിൽനിന്നു പൊഖാറയിലേക്കു വിമാനയാത്രയ്ക്ക് 25 മിനിറ്റ് ദൈർഘ്യമാണുള്ളത്. ടേക്ക് ഓഫ് നടന്ന് 20 മിനിറ്റിനു ശേഷമാണ് അപകടം ഉണ്ടായത്. വിവിധ വർഷങ്ങളിലായി നേപ്പാളിൽ ഉണ്ടായ വിമാനാപകടങ്ങളിൽ നൂറുകണക്കിന് പേർക്കാണ് ജീവൻ നഷ്ടപ്പെട്ടിരിക്കുന്നത്. കഴിഞ്ഞ വർഷം മെയ് മാസം നേപ്പാളി വിമാനക്കമ്പനിയായ താര എയറിന്റെ വിമാനം പൊഖാറയിൽ നിന്ന് പറന്നുയർന്നതിന് തൊട്ടുപിന്നാലെ അപകടത്തിൽപ്പെട്ട് 22 യാത്രക്കാർ മരണപ്പെട്ടിരുന്നു. 2018 മാർച്ചിൽ യുഎസ്-ബംഗ്ലാ എയർലൈൻസ് വിമാനം കാഠ്മണ്ഡു അന്താരാഷ്ട്ര വിമാനത്താവളത്തിന് സമീപം തകർന്നുവീണ് 51 പേർ മരിച്ചിരുന്നു.
Read Latest World News and Malayalam News
കാഠ്മണ്ഡുവിലെ ത്രിഭുവൻ അന്താരാഷ്ട്ര വിമാനത്താവളത്തിൽനിന്നു രാവിലെ 10.33 ന് പുറപ്പെട്ട 72 സീറ്റുള്ള ആഭ്യന്തര വിമാനമാണ് ലാൻഡിങ്ങിനു തൊട്ടുമുമ്പ് തകർന്നുവീണത്. 11 മണിയോടെയാണ് സംഭവം. സെതി നദിയുടെ തീരത്തേക്ക് തകർന്നുവീണ വിമാനം അഗ്നിക്കിരയായി. 53 നേപ്പാളികൾ, അഞ്ച് ഇന്ത്യക്കാർ, നാലു റഷ്യക്കാർ, ഒരു ഐറിഷ് സ്വദേശി, രണ്ട് കൊറിയക്കാർ, ഒരു അർജൻ്റീന സ്വദേശി, ഒരു ഫ്രഞ്ച് സ്വദേശി എന്നിവരാണ് വിമാനത്തിൽ ഉണ്ടായിരുന്നതെന്ന് എയർപോർട്ട് അതോറിറ്റി അറിയിച്ചു. ജീവനക്കാരിൽ രണ്ടു പേർ പൈലറ്റുമാരും രണ്ടു പേർ എയർഹോസ്റ്റസുമാരുമാണ്. അപകടത്തെ തുടർന്നു വിമാനത്താവളം അടച്ചാണ് രക്ഷാപ്രവർത്തനം നടത്തിയത്.
കാഠ്മണ്ഡുവിൽനിന്നു പൊഖാറയിലേക്കു വിമാനയാത്രയ്ക്ക് 25 മിനിറ്റ് ദൈർഘ്യമാണുള്ളത്. ടേക്ക് ഓഫ് നടന്ന് 20 മിനിറ്റിനു ശേഷമാണ് അപകടം ഉണ്ടായത്. വിവിധ വർഷങ്ങളിലായി നേപ്പാളിൽ ഉണ്ടായ വിമാനാപകടങ്ങളിൽ നൂറുകണക്കിന് പേർക്കാണ് ജീവൻ നഷ്ടപ്പെട്ടിരിക്കുന്നത്. കഴിഞ്ഞ വർഷം മെയ് മാസം നേപ്പാളി വിമാനക്കമ്പനിയായ താര എയറിന്റെ വിമാനം പൊഖാറയിൽ നിന്ന് പറന്നുയർന്നതിന് തൊട്ടുപിന്നാലെ അപകടത്തിൽപ്പെട്ട് 22 യാത്രക്കാർ മരണപ്പെട്ടിരുന്നു. 2018 മാർച്ചിൽ യുഎസ്-ബംഗ്ലാ എയർലൈൻസ് വിമാനം കാഠ്മണ്ഡു അന്താരാഷ്ട്ര വിമാനത്താവളത്തിന് സമീപം തകർന്നുവീണ് 51 പേർ മരിച്ചിരുന്നു.
Read Latest World News and Malayalam News