'പിങ്ക്' ഇല്ലാതെ ജീവിതമില്ല; 'പിങ്ക് നിറ'ത്തെ വിവാഹം കഴിച്ച് യുവതി

Photo Credit: kittenkaysera/Instagram

പുതുവർഷ ദിനത്തിലായിരുന്നു കിറ്റൻ കെ സെറയുടെ വിവാഹ ചടങ്ങുകൾ നടന്നത്. നാൽപ്പത് വർഷത്തെ ബന്ധത്തിനൊടുവിലാണ് താൻ പിങ്ക് കളറിനെ വിവാഹം ചെയ്യാൻ തീരുമാനിച്ചതെന്നാണ് യുവതി പറയുന്നത്. രണ്ട് വർഷം മുന്നേ കണ്ടുമുട്ടിയ ഒരു കുട്ടിയുടെ കളിയാക്കലിൽ നിന്നാണ് പിങ്ക് നിറത്തെ വിവാഹം കഴിക്കുക എന്ന ആശയം തന്നിൽ ഉദിച്ചതെന്നും യുവതി പറയുന്നു.

Photo Credit: kittenkaysera/Instagram

പിങ്ക് നിറം നിങ്ങൾക്ക് ഇഷ്ടമാണോ എന്ന് അന്ന് ആ കുട്ടി ചോദിച്ചു. അതെ ഇഷ്ടമാണെന്ന് മറുപടി പറഞ്ഞപ്പോൾ, അത്രയ്ക്ക് ഇഷ്ടമാണെങ്കിൽ പിങ്ക് നിറത്തെ എന്തുകൊണ്ട് കല്യാണം കഴിച്ചുകൂടാ എന്നാണ് കുട്ടി തമാശയായി ചോദിച്ചത്. കുട്ടി കളിയ്ക്ക് പറഞ്ഞ കാര്യമാണെങ്കിലും സെറ അത് ഗൗരവത്തോടെ എടുക്കുകയായിരുന്നു.

Photo Credit: kittenkaysera/Instagram

കല്യാണ ദിവസം പിങ്ക് ഗൗണും, പിങ്ക് കോട്ടും, പിങ്ക് ടിയാരയും ധരിച്ചാണ് സെറ വിവാഹവേദിയില്‍ എത്തിയത്. ഇതിന് പുറമെ മുടിയ്ക്കും യുവതി പിങ്ക് നിറം നൽകിയിരുന്നു. വിവാഹത്തിന് അണിഞ്ഞ ആഭരണങ്ങളും ലിപ്സ്റ്റിക്കമെല്ലാം പിങ്ക് നിറത്തിൽ തന്നെയായിരുന്നു. പിങ്ക് നിറത്തിന്‍റെ അഞ്ച് വ്യത്യസ്ത ഷേഡുകള്‍ ഉള്ള വസ്ത്രവുമണിഞ്ഞാണ് സെറ വിവാഹ വേദിയിലേക്ക് കടന്നു വന്നത്. ഇവിടെ വെച്ചായിരുന്നു പിങ്ക് നിറത്തെ വിവാഹം കഴിക്കുകയാണെന്ന പ്രഖ്യാപനം.

Photo Credit: kittenkaysera/Instagram

"ഞാൻ പിങ്ക് നിറത്തെ വിവാഹം കഴിക്കുകയാണ്. പിങ്ക് നിറത്തെ അത്രയേറെ ഇഷ്ടമാണ്' സെറ പ്രഖ്യാപിച്ചു. വിവാഹത്തിനെത്തിയ അതിഥികളും സെറയുടെ ആഗ്രഹപ്രകാരം പിങ്ക് നിറത്തിലുള്ള വസ്ത്രങ്ങളായിരുന്നു അണിഞ്ഞത്. വിവാഹ വേദിയിൽ അലങ്കരിച്ച പൂക്കളുടെയെല്ലാം കളറും പിങ്ക് തന്നെയായിരുന്നു. എല്ലാവര്‍ക്കും ജീവിതപങ്കാളികള്‍ ഉള്ളപ്പോള്‍ തനിക്ക് സ്വന്തമായി ഒരു നിറമുണ്ടെന്നാണ് വിവാഹത്തെക്കുറിച്ച് സെറ പറഞ്ഞത്. ജീവിതാവസാനം വരെ പിങ്ക് നിറത്തിലുള്ള വസ്ത്രങ്ങള്‍ മാത്രമേ ധരിക്കൂ എന്ന പ്രതിജ്ഞയും സെറ എടുത്തിട്ടുണ്ട്.