പഠനം പറയുന്നത്
മനുഷ്യരില്‍ നിന്ന് മനുഷ്യരിലേക്ക് വ്യാപിക്കുമെങ്കിലും വൈറസ് അടങ്ങിയ ചെറിയ എയ്‌റോസോള്‍ ഉള്‍പ്പെടെയുള്ള തുള്ളികള്‍ ദീര്‍ഘനേരം വായുവില്‍ നിലനില്‍ക്കുമെന്ന് പഠനം പറയുന്നു. വെന്റ് ഓപ്പണിംഗിന് താഴെ തൂക്കിയിട്ടിരുന്ന ഡിഷുകളിലെ ദ്രാവകത്തിലും എക്‌സ്‌ഹോസ്റ്റ് ഫില്‍ട്ടറുകളിലും ഓപ്പണ്‍ പെട്രി ഡിഷുകളിലും വൈറല്‍ ആര്‍എന്‍എ കണ്ടെത്തി. അതിനാല്‍, രോഗികളില്‍ നിന്നുള്ള വൈറസ് അടങ്ങിയ കണികകള്‍ വെന്റ് ഓപ്പണിങ് വഴി വ്യാപിച്ചിരിക്കാമെന്ന് പഠനം തെളിയിക്കുന്നു.
50 മീറ്റര്‍ അകലെ വൈറസ്
കൊവിഡ് രോഗി താമസിച്ച റൂമിന്റെ വെന്റ് ഓപ്പണിംഗുകളില്‍ നിന്ന് കുറഞ്ഞത് 50 മീറ്റര്‍ അകലെയുള്ള വെന്റിലേഷന്‍ എക്‌സ്‌ഹോസ്റ്റ് ഫില്‍ട്ടറുകളില്‍ വൈറല്‍ ആര്‍എന്‍എ കണ്ടെത്തി. വൈറല്‍ സാമ്പിളുകളില്‍ അവയുടെ പകര്‍ച്ചവ്യാധി വരുത്താനുള്ള കഴിവ് നിലനില്‍ക്കുന്നുണ്ടോ ഇല്ലയോ എന്ന കാര്യത്തില്‍ പഠനത്തില്‍ നിഗമനത്തില്‍ എത്താനായിട്ടില്ല. ആര്‍എന്‍എ കണ്ടെത്തിയ ദൂരം വായുവിലൂടെ പകരുന്നതിന്റെ ചില അപകടസാധ്യതകളുണ്ടെന്ന് സൂചിപ്പിക്കുന്നു.
വായുവിലൂടെയുള്ള വ്യാപനം
കൊവിഡിന് കാരണമാകുന്ന വസ്തു എയറോസോള്‍ കണികകളായി വായുവില്‍ ദീര്‍ഘകാലം നില്‍ക്കുകയും ദീര്‍ഘ ദൂരത്തേക്ക് വ്യാപിക്കുകയും ചെയ്യുന്നതാണ് വായുവിലൂടെയുള്ള വ്യാപനം. കൊവിഡിന് കാരണമാകുന്ന കൊറോണ വൈറസ് ഒരു വ്യക്തിയില്‍ നിന്ന് മറ്റൊരാളിലേക്ക് ശ്വസനത്തിലൂടെ പുറംന്തള്ളുന് കണികകളിലൂടെ പടരുന്നുണ്ടെങ്കിലും ചെറിയ എയറോസോള്‍ ഉള്‍പ്പെടെയുള്ള വൈറസ് ഉള്‍പ്പെട്ട കണികകള്‍ ദീര്‍ഘനേരം എന്നത് ചര്‍ച്ചാ വിഷയമാണ്.