സിയോൾ: അഞ്ച് മാസത്തോളം നീണ്ട ഇടവേളയ്ക്ക് ശേഷം ആദ്യമായി പൊതുപരിപാടിയിൽ പ്രത്യക്ഷപ്പെട്ട് ഉത്തരകൊറിയൻ നേതാവ് കിം ജോങ് ഉന്നിന്റെ ഭാര്യ റി സോൾ ജു. കൊവിഡ് വ്യാപനത്തെ തുടർന്ന് ഉത്തര കൊറിയയിലെ ഭരണ നേതൃത്വത്തിന്റെ കുടുംബാംഗങ്ങൾ പൊതുപരിപാടികളിൽ നിന്നും വിട്ട് നിൽക്കുകയായിരുന്നെന്നാണ് വാർത്താ ഏജൻസിയായ റോയ്ട്ടേഴ്സ് റിപ്പോർട്ട് ചെയ്യുന്നത്. ഉത്തരകൊറിയൻ തലസ്ഥാനമായ പ്യോങ്യാങ്ങിലെ മാൻസുഡേ ആർട്ട് തിയേറ്ററിൽ ലുണാർ ന്യൂ ഇയർ ആഘോഷങ്ങളിലാണ് കിം ജോങ് ഉന്നും ഭാര്യ റി സോൾ ജുവും പങ്കെടുത്തത്. ഇക്കാര്യം ഔദ്യോഗിക വാർത്താ ഏജൻസിയായ കെസിഎൻഎ വ്യക്തമാക്കിയിട്ടും ഉണ്ട്. ഏറ്റവും ഒടുവിൽ 2021 സെപ്തംബർ 9 നായിരുന്നു റി സോൾ ജു ഒരു പൊതുചടങ്ങിൽ പങ്കെടുക്കുന്നത്. കിമ്മിന്റെ അച്ഛന്റെയും മുത്തച്ഛന്റെയും എംബാം ചെയ്ത മൃതദേഹങ്ങൾ സൂക്ഷിച്ചിരിക്കുന്ന കുംസുസൻ കൊട്ടാരത്തിലേക്കായിരുന്നു അന്നത്തെ സന്ദർശനം. രാജ്യം സ്ഥാപിതമായ വാർഷിക ദിനം കൂടിയാണ് സെപ്റ്റംബർ ഒൻപത്.
Also Read : ഉത്തരാഖണ്ഡിൽ സ്റ്റാർ ക്യാമ്പയിനറായി ഛന്നി; സിദ്ദു കോൺഗ്രസ് പട്ടികയിലില്ല
കിമ്മും ഭാര്യയും ഓഡിറ്റോറിയത്തിലേക്ക് എത്തിയപ്പോൾ സദസിൽ നിന്ന് ഹുറേ വിളികൾ ഉയർന്നെന്നാണ് വാർത്താ ഏജൻസിയുടെ റിപ്പോർട്ട് പറയുന്നത്. പശ്ചാത്തല സംഗീതത്തിന്റെ അകമ്പടിയോടെയായിരുന്നു ഇവർ വേദിയിലേക്ക് എത്തിയത്. കലാകാരന്മാർക്ക് ഹസ്തദാനം നൽകിയ ശേഷം അവർക്കൊപ്പം ഫോട്ടോയ്ക്കും പോസ് ചെയ്താണ് കിമ്മും ഭാര്യയും സ്ഥലത്ത് നിന്ന് മടങ്ങിയത്.
Also Read : മലയാളത്തിൽ ട്വീറ്റുമായി ഷേഖ് മുഹമ്മദ്; "കേരളവുമായി യുഎഇക്ക് സവിശേഷ ബന്ധം"
റി സോൾ ജു കിമ്മിനൊപ്പം പൊതുവേദിയിൽ പ്രത്യക്ഷപ്പെടുമ്പോഴെല്ലാം അത് വാർത്താ പ്രാധാന്യം നേടാറുണ്ട്. സാമൂഹിക, ബിസിനസ്, സൈനിക യാത്രകളിൽ പോലും കിമ്മിനൊപ്പം റി സോൾ ജു എത്താറുണ്ട്. എന്നാൽ കിം ജോങ് ഉന്നിന്റെ പിതാവ് കിം ജോങ് ഇൽ തന്റെ ഭാര്യമാർക്കൊപ്പം പൊതുവേദികളിൽ അപൂർവമായി മാത്രമേ പ്രത്യക്ഷപ്പെടാറുണ്ടായിരുന്നുള്ളു.
Also Read : ഉത്തരാഖണ്ഡിൽ സ്റ്റാർ ക്യാമ്പയിനറായി ഛന്നി; സിദ്ദു കോൺഗ്രസ് പട്ടികയിലില്ല
കിമ്മും ഭാര്യയും ഓഡിറ്റോറിയത്തിലേക്ക് എത്തിയപ്പോൾ സദസിൽ നിന്ന് ഹുറേ വിളികൾ ഉയർന്നെന്നാണ് വാർത്താ ഏജൻസിയുടെ റിപ്പോർട്ട് പറയുന്നത്. പശ്ചാത്തല സംഗീതത്തിന്റെ അകമ്പടിയോടെയായിരുന്നു ഇവർ വേദിയിലേക്ക് എത്തിയത്. കലാകാരന്മാർക്ക് ഹസ്തദാനം നൽകിയ ശേഷം അവർക്കൊപ്പം ഫോട്ടോയ്ക്കും പോസ് ചെയ്താണ് കിമ്മും ഭാര്യയും സ്ഥലത്ത് നിന്ന് മടങ്ങിയത്.
Also Read : മലയാളത്തിൽ ട്വീറ്റുമായി ഷേഖ് മുഹമ്മദ്; "കേരളവുമായി യുഎഇക്ക് സവിശേഷ ബന്ധം"
റി സോൾ ജു കിമ്മിനൊപ്പം പൊതുവേദിയിൽ പ്രത്യക്ഷപ്പെടുമ്പോഴെല്ലാം അത് വാർത്താ പ്രാധാന്യം നേടാറുണ്ട്. സാമൂഹിക, ബിസിനസ്, സൈനിക യാത്രകളിൽ പോലും കിമ്മിനൊപ്പം റി സോൾ ജു എത്താറുണ്ട്. എന്നാൽ കിം ജോങ് ഉന്നിന്റെ പിതാവ് കിം ജോങ് ഇൽ തന്റെ ഭാര്യമാർക്കൊപ്പം പൊതുവേദികളിൽ അപൂർവമായി മാത്രമേ പ്രത്യക്ഷപ്പെടാറുണ്ടായിരുന്നുള്ളു.