എഫ്ഡിഎ
അടിയന്തര സാഹചര്യത്തിൽ ഈ വാക്സിന് ഉപയോഗിക്കാൻ പ്രാപ്തമാണോ എന്ന് പരിശോധിക്കുകയും തീരുമാനിക്കുകയും ചെയ്യുന്നത് യുഎസ് ഫുഡ് ആൻഡ് ഡ്രഗ് അഡ്മിനിസ്ട്രേഷനിൽ (എഫ്ഡിഎ) ആണ്. അങ്ങിനെയെങ്കിൽ, ആദ്യത്തെ ഡോസുകള്‍ക്ക് പരിമിതികളുണ്ടാകും.
ആദ്യ ഡോസ് നൽകി ഒരു മാസത്തിന് ശേഷം നടത്തിയ പരിശോധനയിൽ വാക്സിൻ 95 ശതമാനം ഫലപ്രദമാണെന്നാണ് ഫൈസര്‍ ബുധനാഴ്ച അവസകാശപ്പെടുന്നത്. അതിനാൽ അടിയന്തിര സാഹചര്യത്തിൽ ഇത് ഉപയോഗിക്കാനുള്ള അനുമതി തേടിയിരിക്കുകയാണ്.
പാര്‍ശ്വഫലങ്ങള്‍ ഒന്നുമില്ലെന്ന് കണ്ടെത്തി
ജര്‍മന്‍ മരുന്ന് നിര്‍മ്മാതാക്കളായ ബയോടെക് എസ്ഇയുടെ പങ്കാളിത്തത്തോടെ വികസിപ്പിച്ചെടുത്ത വാക്സിന് കാര്യമായ പാര്‍ശ്വഫലങ്ങള്‍ ഒന്നുമില്ലെന്ന് കണ്ടെത്തിയിരുന്നു. ഇതിന് പിന്നാലെ, യുഎസ് റെഗുലേറ്ററില്‍ നിന്നുള്ള അടിയന്തര ഉപയോഗ അംഗീകാരം നേടിയെടുക്കാനുള്ള തയ്യാറെടുപ്പിലാണ്. ഡിസംബര്‍ മാസം ക്രിസ്തുമസിന് മുമ്പ് അംഗീകാരം നേടിയെടുക്കാന്‍ സാധിക്കുമെന്ന പ്രതീക്ഷയിലാണ് കമ്പനി.
വെള്ളിയാഴ്ച എഫ്ഡി‌എക്ക് സമർപ്പിക്കുന്നതിന് പുറമേ, യൂറോപ്പിലും യുകെയിലും ഫൈസർ ഉപയോഗിക്കുന്നതിന് ആപ്ലിക്കേഷനുകൾ കൊടുക്കുവാന്‍ ഒരുങ്ങുന്നു എന്നും വ്യക്തമാക്കി.
ഫൈസർ വാക്സിന് ഇന്ത്യയിൽ
ഫൈസർ ഇപ്പോള്‍ വികസിപ്പിച്ചിരിക്കുന്ന വാക്സിൻ വളരെ തീവ്രമായ തണുത്ത കാലാവസ്ഥയിൽ (-70 ഡിഗ്രി സെൽഷ്യസ്) ആണ് സൂക്ഷിക്കേണ്ടത്. ഇത്തരം സാഹചര്യത്തിൽ സൂക്ഷിക്കാനുള്ള സൗകര്യങ്ങള്‍ ഇന്ത്യയിൽ സാധിക്കുമോ എന്നത് ഒരു വെല്ലുവിളിയാണെന്ന് വിദഗ്ദ്ധർ ചൂണ്ടിക്കാണിക്കുന്നു. എന്നിരുന്നാലും ഈ വാക്സിൻ ഇന്ത്യയ്ക്ക് ലഭിക്കുവാനുള്ള സാധ്യതകളെ പരിശോധിച്ചു വരികയാണ്.
എല്ലാ രാജ്യങ്ങളിലും -70 ഡിഗ്രി സെൽഷ്യസിൽ വാക്സിന് സൂക്ഷിക്കുക എന്നത് വെല്ലുവിളി തന്നെയാണ്. അത് ആവശ്യമാണെങ്കില്‍ എന്താണ് ചെയ്യേണ്ടത് എന്ന് പരിശോധിക്കുമെന്നും അതിന് വേണ്ടി ഒരു ഉപായം കണ്ടെത്തുമെന്നും നീതി ആയോഗ് അംഗം പ്രതികരിച്ചു.
മാസങ്ങള്‍ നീണ്ട പരീക്ഷണം
ഏതാണ്ട് എട്ടു മാസത്തോളം കാലം നീണ്ട വാക്സിന് പരീക്ഷണത്തിന് ഒടുവിൽ വന്ന ഏറ്റവും സുപ്രധാനമായ ഘട്ടമാണ് പിന്നിടുന്നതെന്ന് ഫൈസര്‍ വക്താവ് അറിയിച്ചു. മെസഞ്ചര്‍ ആര്‍എന്‍എ എന്നറിയപ്പെടുന്ന പുതിയ സാങ്കേതികവിദ്യ ഉപയോഗിച്ച് വികസിപ്പിച്ചെടുത്ത രണ്ട് വാക്‌സിനുകളില്‍ നിന്ന് പ്രതീക്ഷിച്ചതിലും മികച്ച വിവരങ്ങള്‍, ലോകമെമ്പാടും 13 ലക്ഷത്തിലധികം ആളുകളുടെ മരണത്തിനിടയാക്കിയ കൊവിഡില്‍ നിന്ന് ഉറച്ച പ്രതിരോധം ഉണ്ടാക്കുമെന്ന് ഫൈസറും മോഡേണയും അവകാശപ്പെടുന്നു.