പോൺഹബ്ബ്
ദശലക്ഷക്കണക്കിന് വിദ്യാർത്ഥികളാണ് അവരുടെ അധ്യാപകരിൽ നിന്ന് പാഠങ്ങൾ പഠിക്കുന്നതിനായി സൂം മീറ്റിങ്ങിലൂടെയും മറ്റും ഓൺലൈൻ പഠനം ഒരു മാനദണ്ഡമായി മാറിയിരിക്കുകയാണ്. അതിനിടെയാണ് നീലച്ചിത്ര വെബ്സൈറ്റായ പോൺഹബ്ബ് വഴി കണക്ക് പഠിപ്പിക്കാൻ ഉപയോഗിക്കാമെന്ന് തെളിയിച്ചിരിക്കുകയാണ് തായ്‌വാനീസ് ഗണിത അധ്യാപകനായ ചാങ്‌ഷു. ഇത്തരത്തിൽ ഒരു നീക്കത്തിലൂടെ കോടികളാണ് അദ്ദേഹം പ്രതിവര്‍ഷം സമ്പാദിക്കുന്നത്.
200 ക്ലാസുകള്‍
ഇത്തരത്തിൽ പോൺഹബ് വഴി ഇരുനൂറിലധികം ഗണിത പാഠങ്ങളാണ് ടീച്ചർ പോസ്റ്റ് ചെയ്തിട്ടുണ്ട്. അതേസമയം, എല്ലാ വീഡിയോകളും പൂർണ്ണമായും ലൈംഗിക ഉള്ളടക്കത്തിൽ നിന്ന് മുക്തമാണ്. മാത്രമല്ല ഗണിത പ്രശ്‌നങ്ങളിൽ മാത്രം ശ്രദ്ധ കേന്ദ്രീകരിക്കുകയും ചെയ്യുന്നുവെന്നാണ് മാധ്യമങ്ങള്‍ റിപ്പോര്‍ട്ട് ചെയ്തിരുന്നു.
ആദ്യം യൂട്യൂബ് പിന്നാലെ പോൺഹബ്ബ്
കൊവിഡിന് ശേഷം ഓൺലൈനിൽ പാഠങ്ങള്‍ തുടങ്ങിയതോടെ അധ്യാപകൻ യൂട്യൂബിനെയാണ് ആദ്യം തെരഞ്ഞെടുത്തത്. പിന്നീട്, 2020ൽ അദ്ദേഹം തന്റെ ക്ലാസുകള്‍ പോൺഹബിലും പങ്കിടാൻ തീരുമാനിക്കുകയായിരുന്നു. അധ്യാപകന് ഗണിതശാസ്ത്രത്തിൽ ബിരുദാനന്തര ബിരുദമുണ്ടെന്നും കഴിഞ്ഞ 15 വർഷമായി തായ്‌വാനീസ് സ്‌കൂളുകളിൽ പഠിപ്പിക്കുന്നുണ്ടെന്നും റിപ്പോർട്ടുകൾ പറയുന്നു.
ജനപ്രീതി
മുതിർന്നവർക്കുള്ള വെബ്‌സൈറ്റിന്റെ ജനപ്രീതിയാണ് അതിൽ പഠനവീഡിയോകൾ പങ്കിടാൻ കാരണമെന്ന് 34 കാരനായ അധ്യാപകൻ മെൽ മാഗസിന് നൽകിയ അഭിമുഖത്തില്‍ പറഞ്ഞു. ഇത്തരത്തിലുള്ള വീഡിയോ പ്ലാറ്റ്‌ഫോമുകളിൽ വളരെ കുറച്ച് ആളുകൾ മാത്രമാണ് കണക്ക് പഠിപ്പിക്കുന്നത് എന്നതും അവയിൽ വീഡിയോകൾ കാണുന്ന ധാരാളം ആളുകൾ ഉണ്ട് എന്നുള്ളതുമാണ് വീഡിയോകൾ അവിടെ അപ്‌ലോഡ് ചെയ്തതിനാൽ ധാരാളം ആളുകൾ അവ കാണുമെന്ന് ഞാൻ കരുതിയെന്നും അദ്ദേഹം മാഗസിനിനോട് പറഞ്ഞു.
changhsumath666
changhsumath666 എന്ന അദ്ദേഹത്തിന്റെ ചാനലിലൂടെ 200ലധധികം വീഡിയോകളാണ് അദ്ദേഹം പങ്കുവച്ചത്. ദശലക്ഷക്കണക്കിന് ആളുകളാണ് അദ്ദേഹത്തിന്റെ വീഡിയോ ഇതിലൂടെ കാണുന്നത്. പോൺഹബ്ബ് തന്നെ വേരിഫൈ ചെയ്തിരിക്കുന്ന അദ്ദേഹത്തിന് വര്‍ഷം 2 കോടിയോളം രൂപയാണ് ലഭിക്കുന്നത്. അദ്ദേഹത്തിന്റെ പ്രമോഷണൽ പരിപാടികളും ഫലം കണ്ടുവെന്നാണ് റിപ്പോര്‍ട്ടുകള്‍.