ഇടിക്കോട്ട വിറപ്പിക്കാൻ ഇതിഹാസതാരം ഇനിയില്ല; WWE ഇതിഹാസം അണ്ടർടേക്കർ വിരമിച്ചു
റസ്ലിംങ് രംഗത്ത് ഏറെ ആരാധകരുള്ള താരമാണ് അണ്ടർടേക്കർ.
Samayam Malayalam 23 Nov 2020, 10:13 pm
ന്യൂയോർക്ക്: ഡബ്യുഡബ്യുഇ ഇതിഹാസം അണ്ടർടേക്കർ വിരമിച്ചു. അമ്പത്തിയഞ്ച് വയസുണ്ട് ലോകാരാധകരുടെ ഹൃദയം കീഴടക്കിയ സൂപ്പർ താരത്തിന്. മൂന്ന് പതിറ്റാണ്ടോളം ആരാധകരെ ത്രസിപ്പിച്ച ശേഷമാണ് അണ്ടർടേക്കർ വിരമിക്കുന്നത്. റസ്ലിങ് രംഗത്ത് ഏറ്റവും അധികം ആഘോഷിക്കപ്പെട്ട താരങ്ങളിൽ ഒരാളാണ് അണ്ടർടേക്കർ. മാർക് വില്യം കലവെ എന്നാണ് യഥാർത്ഥ പേര്.
1965 അമേരിക്കയിലെ ഹൂസ്റ്റണിലാണ് മാർക് വില്യം കലവെ ജനിച്ചത്. 1990ൽ സർവൈവർ സീരീസിലൂടെയായിരുന്നു റിങ്ങിലേക്കുള്ള രംഗപ്രവേശനം. അണ്ടർ ടേക്കർ എന്ന വിളിപ്പേരാണ് റിങ്ങിൽ സ്വീകരിച്ചത്. ഏഴ് തവണ ചാമ്പ്യനായിട്ടുണ്ട് ഇദ്ദേഹം. ആറ് തവണ ടാഗ് ടീം ചാമ്പ്യൻഷിപ്പ് പട്ടവും നേടിയിട്ടുണ്ട്.
2020 ജൂണിലാണ് വിരമിക്കാനുള്ള തീരുമാനം അണ്ടർടേക്കർ ആരാധക ലോകത്തോട് വെളിപ്പെടുത്തിയത്. കരിയറിലെ അവസാന മത്സരത്തിനു ശേഷം ട്വീറ്റിലൂടെ അദ്ദേഹം ആരാധകർക്ക് നന്ദി അറിയിച്ചിരുന്നു. ആരാധകർ കൂടാതെ ഡബ്യുഡബ്യുഇ രംഗത്തെ താരങ്ങളും അണ്ടർടേക്കറിന് ആശംസകളുമായി രംഗത്തെത്തിയിരുന്നു.
1965 അമേരിക്കയിലെ ഹൂസ്റ്റണിലാണ് മാർക് വില്യം കലവെ ജനിച്ചത്. 1990ൽ സർവൈവർ സീരീസിലൂടെയായിരുന്നു റിങ്ങിലേക്കുള്ള രംഗപ്രവേശനം. അണ്ടർ ടേക്കർ എന്ന വിളിപ്പേരാണ് റിങ്ങിൽ സ്വീകരിച്ചത്. ഏഴ് തവണ ചാമ്പ്യനായിട്ടുണ്ട് ഇദ്ദേഹം. ആറ് തവണ ടാഗ് ടീം ചാമ്പ്യൻഷിപ്പ് പട്ടവും നേടിയിട്ടുണ്ട്.
2020 ജൂണിലാണ് വിരമിക്കാനുള്ള തീരുമാനം അണ്ടർടേക്കർ ആരാധക ലോകത്തോട് വെളിപ്പെടുത്തിയത്. കരിയറിലെ അവസാന മത്സരത്തിനു ശേഷം ട്വീറ്റിലൂടെ അദ്ദേഹം ആരാധകർക്ക് നന്ദി അറിയിച്ചിരുന്നു. ആരാധകർ കൂടാതെ ഡബ്യുഡബ്യുഇ രംഗത്തെ താരങ്ങളും അണ്ടർടേക്കറിന് ആശംസകളുമായി രംഗത്തെത്തിയിരുന്നു.