കീവ്: യൂറോപ്യൻ പാർലമെൻ്റിൽ കയ്യടി നേടി യുക്രൈൻ പ്രസിഡൻ്റ് വോളോഡിമിർ സെലൻസ്കിയുടെ പ്രസംഗം. യുക്രൈനെ തകർക്കാൻ ആർക്കും സാധിക്കില്ല. ഈ പോരാട്ടം മണ്ണിനും സ്വാതന്ത്ര്യത്തിനും വേണ്ടിയാണ്. ആരും ഞങ്ങളെ തകർക്കാൻ പോകുന്നില്ല, ഞങ്ങൾ ശക്തരാണെന്നും യൂറോപ്യൻ പാർലമെന്റിനെ ഓൺലൈനായി അഭിസംബോധന ചെയ്ത് സംസാരിക്കവെ അദ്ദേഹം വ്യക്തമാക്കി.
എങ്ങനെ അഭിസംബോധ ചെയ്യണമെന്ന് പോലും ഈ ഘട്ടത്തിലറിയില്ല. ഞങ്ങളുടെ എല്ലാ നഗരങ്ങളിലും ആക്രമണങ്ങൾ തുടരുകയാണ്. എന്നാലും ഞങ്ങൾ പോരാടുക തന്നെ ചെയ്യും. ഞങ്ങൾ യുക്രൈനികളാണെന്നും സെലൻസ്കി പറഞ്ഞു. യൂറോപ്യന്മാരാണെന്നും കരുത്തരാണെന്നും ഞങ്ങൾ തെളിയിച്ചു. ഈ ഘട്ടത്തിൽ യൂറോപ്യൻ രാജ്യങ്ങൾ ഞങ്ങൾക്ക് ഒപ്പമാണെന്ന് തെളിയിക്കണമെന്ന് അദ്ദേഹം തുറന്നുപറയുകയും ചെയ്തു.
യൂറോപ്യൻ പാർലമെന്റിനെ അംഗങ്ങൾ സെലൻസ്കിയുടെ പ്രസംഗം കഴിഞ്ഞയുടൻ എഴുന്നേറ്റ് നിന്ന് ഏറെ നേരം കയ്യടിച്ച് പിന്തുണയറിയിച്ചു. കീവ് ലക്ഷ്യമാക്കി റഷ്യൻ സൈന്യം ആക്രമണം കൂടുതൽ ശക്തമാക്കിയ ഘട്ടത്തിൽ കൂടിയാണ് പിന്തുണ തേടി സെലൻസ്കി യൂറോപ്യൻ പാർലമെന്റിൻ്റെ മുന്നിലെത്തിയത്.
യൂറോപ്യൻ യൂണിയനിൽ അംഗമാകാനുള്ള അപേക്ഷയിൽ സെലൻസ്കി കഴിഞ്ഞ ദിവസം ഒപ്പുവെച്ചിരുന്നു. യൂറോപ്യൻ യൂണിയനിൽ യുക്രൈന് അംഗത്വം നൽകാനുള്ള തീരുമാനം എത്രയും വേഗം ഉണ്ടാകണമെന്ന് സെലൻസ്കി അഭ്യർഥിച്ചു. റഷ്യൻ അധിനിവേശം തടയാൻ യൂറോപ്യൻ യൂണിയനിലെ അംഗത്വം അത്യാവശ്യമാണെന്നും അദ്ദേഹം പറഞ്ഞിരുന്നു. അതേസമയം, യുക്രൈനിലെ പാർപ്പിടസമുച്ചയങ്ങളും ഭരണകാര്യാലയങ്ങളും ലക്ഷ്യമാക്കി റഷ്യ ആക്രമണം കടുപ്പിക്കുകയാണ്. പ്രധാന നഗരങ്ങളായ കീവിനെയും ഖർക്കീവിനെയും ലക്ഷ്യമാക്കിയാണ് റഷ്യ ആക്രമണം നടത്തുന്നത്.
എങ്ങനെ അഭിസംബോധ ചെയ്യണമെന്ന് പോലും ഈ ഘട്ടത്തിലറിയില്ല. ഞങ്ങളുടെ എല്ലാ നഗരങ്ങളിലും ആക്രമണങ്ങൾ തുടരുകയാണ്. എന്നാലും ഞങ്ങൾ പോരാടുക തന്നെ ചെയ്യും. ഞങ്ങൾ യുക്രൈനികളാണെന്നും സെലൻസ്കി പറഞ്ഞു. യൂറോപ്യന്മാരാണെന്നും കരുത്തരാണെന്നും ഞങ്ങൾ തെളിയിച്ചു. ഈ ഘട്ടത്തിൽ യൂറോപ്യൻ രാജ്യങ്ങൾ ഞങ്ങൾക്ക് ഒപ്പമാണെന്ന് തെളിയിക്കണമെന്ന് അദ്ദേഹം തുറന്നുപറയുകയും ചെയ്തു.
യൂറോപ്യൻ പാർലമെന്റിനെ അംഗങ്ങൾ സെലൻസ്കിയുടെ പ്രസംഗം കഴിഞ്ഞയുടൻ എഴുന്നേറ്റ് നിന്ന് ഏറെ നേരം കയ്യടിച്ച് പിന്തുണയറിയിച്ചു. കീവ് ലക്ഷ്യമാക്കി റഷ്യൻ സൈന്യം ആക്രമണം കൂടുതൽ ശക്തമാക്കിയ ഘട്ടത്തിൽ കൂടിയാണ് പിന്തുണ തേടി സെലൻസ്കി യൂറോപ്യൻ പാർലമെന്റിൻ്റെ മുന്നിലെത്തിയത്.
യൂറോപ്യൻ യൂണിയനിൽ അംഗമാകാനുള്ള അപേക്ഷയിൽ സെലൻസ്കി കഴിഞ്ഞ ദിവസം ഒപ്പുവെച്ചിരുന്നു. യൂറോപ്യൻ യൂണിയനിൽ യുക്രൈന് അംഗത്വം നൽകാനുള്ള തീരുമാനം എത്രയും വേഗം ഉണ്ടാകണമെന്ന് സെലൻസ്കി അഭ്യർഥിച്ചു. റഷ്യൻ അധിനിവേശം തടയാൻ യൂറോപ്യൻ യൂണിയനിലെ അംഗത്വം അത്യാവശ്യമാണെന്നും അദ്ദേഹം പറഞ്ഞിരുന്നു. അതേസമയം, യുക്രൈനിലെ പാർപ്പിടസമുച്ചയങ്ങളും ഭരണകാര്യാലയങ്ങളും ലക്ഷ്യമാക്കി റഷ്യ ആക്രമണം കടുപ്പിക്കുകയാണ്. പ്രധാന നഗരങ്ങളായ കീവിനെയും ഖർക്കീവിനെയും ലക്ഷ്യമാക്കിയാണ് റഷ്യ ആക്രമണം നടത്തുന്നത്.