ഫൈസര്‍ വാക്‌സിന് യുഎസില്‍ അടിയന്തര അനുമതി; 24 മണിക്കൂറിനുള്ളില്‍ നല്‍കും

വാഷിംഗ്ടണ്‍: അമേരിക്കയില്‍ ഫൈസര്‍ വാക്‌സിന് അടിയന്തര ഉപയോഗത്തിന് അനുമതി നല്‍കി. യുഎസ് ഫുഡ് ആന്റ് ഡ്രഗ് അഡ്മിനിസ്‌ട്രേഷന്‍ വെള്ളിയാഴ്ചയാണ് വാക്‌സിന് അനുമതി നല്‍കിയത്.

Also Read: അര്‍ദ്ധരാത്രി ആദിവാസി കോളനിയിൽ പിവി അൻവര്‍, തടഞ്ഞ് നാട്ടുകാര്‍; സംഘർഷം

കൊവിഡ്- 19 തടയുന്നതിനായി ഫൈസര്‍ ബയോടെക് വാക്‌സിന്‍ അടിയന്തരമായി ഉപയോഗിക്കാന്‍ അംഗീകാരം നല്‍കുന്നതായി ഏജന്‍സി ചീഫ് സയന്റിസ്റ്റ് ഡെനിസ് ഹിന്റണ്‍ ഒരു ഫൈസര്‍ എക്‌സിക്യൂട്ടീവിന് അയച്ച കത്തില്‍ പറയുന്നു.


ആദ്യത്തെ യുഎസ് വാക്‌സിന്‍ 24 മണിക്കൂറിനുളളില്‍ നല്‍കുമെന്ന് പ്രസിഡന്റ് ഡോണള്‍ഡ് ട്രംപ് ട്വിറ്ററില്‍ പുറത്തിറക്കിയ ടെലിവിഷന്‍ പ്രസംഗത്തില്‍ പറഞ്ഞു. 'ഫെഡ്എക്‌സും യുപിഎസുമായുള്ള ഞങ്ങളുടെ പങ്കാളിത്തത്തിലൂടെ രാജ്യത്തെ എല്ലാ സംസ്ഥാനങ്ങളിലേക്കും പോസ്റ്റല്‍ കോഡിലേക്കും ഇതിനകം തന്നെ വാക്‌സിന്‍ അയയ്ക്കാന്‍ തുടങ്ങി. തങ്ങളുടെ സംസ്ഥാനങ്ങളില്‍ ആരാണ് ആദ്യം ഷോട്ടുകള്‍ സ്വീകരിക്കേണ്ടതെന്ന് ഗവര്‍ണര്‍മാര്‍ തീരുമാനിക്കണമെന്നും', ഡോണള്‍ഡ് ട്രംപ് പറഞ്ഞു.

Also Read: കാ‍ർഷിക നിയമഭേദഗതിക്ക് തയ്യാര്‍, ചിലര്‍ സമരത്തിൽ നുഴഞ്ഞു കയറുന്നു; നിയമമന്ത്രി രവിശങ്കര്‍ പ്രസാദ്

'വാക്‌സിന്‍ സ്വീകരിക്കേണ്ടത് മുതിര്‍ന്നവരും ആരോഗ്യ പ്രവര്‍ത്തകരും ആയിരിക്കണമെന്ന് ഞങ്ങള്‍ ആഗ്രഹിക്കുന്നു. ഇത് മരണസംഖ്യയെയും രോഗബാധിതരെയും വേഗത്തിലും നാടകീയമായും കുറയ്ക്കും', ട്രംപ് കൂട്ടിച്ചേര്‍ത്തു.

16 വയസിന് മുകളിലുള്ളവര്‍ക്കാണ് വാക്‌സിന്‍ നല്‍കുക. ലോകത്ത് ആദ്യമായി വ്യാപകമായ തോതില്‍ മൂന്നാംഘട്ട ക്ലിനിക്കല്‍ ട്രയല്‍ പൂര്‍ത്തിയാക്കിയ വാക്‌സിനാണ് ഫൈസര്‍. ബ്രിട്ടന്‍, സൗദി അറേബ്യ, ബഹ്‌റൈന്‍, കാനഡ എന്നീ രാജ്യങ്ങളിലും വാക്‌സിന്‍ അംഗീകാരം നല്‍കിയിരുന്നു. ഇതോടെ വാക്‌സിന് അനുമതി നല്‍കിയ രാജ്യങ്ങള്‍ അഞ്ചായി.