കീവ്: യുക്രൈൻ നഗരങ്ങളിൽ കടന്നുകയറിയ റഷ്യൻ സൈനിക വാഹനങ്ങളിൽ പ്രത്യക്ഷപ്പെട്ട 'Z' അക്ഷരം സമൂഹമാധ്യമങ്ങളിലടക്കം ചർച്ചയാകുന്നു. റഷ്യൻ സൈനിക വാഹങ്ങളിലും ടാങ്കുകളിലുമാണ് വ്യാപകമായി ഈ അടയാളം രേഖപ്പെടുത്തിയിരിക്കുന്നതെന്ന് വിദേശമാധ്യമങ്ങൾ റിപ്പോർട്ട് ചെയ്തു. 'Z' എന്ന അക്ഷരം എന്താണ് സൂചിപ്പിക്കുന്നതെന്നാണ് ഉയരുന്ന ആശങ്ക.
യുക്രൈനിലെ അധിനിവേശം ആരംഭിച്ചതിന് പിന്നാലെയാണ് റഷ്യൻ സൈനിക വാഹനങ്ങളിൽ വെളുത്ത നിറത്തിൽ 'Z' എന്ന അക്ഷരം പ്രത്യക്ഷപ്പെട്ടത്. ഫെബ്രുവരി 22ന് ഡൊനെറ്റ്സ്ക മേഖലയിൽ പ്രവേശിച്ച റഷ്യൻ വാഹനങ്ങളിലാണ് 'Z' എന്ന അക്ഷരം ആദ്യമായി കണ്ടത്. സൈനിക വാഹനങ്ങളിലെ ആക്ഷരങ്ങൾ സംബന്ധിച്ച് ചർച്ചകൾ നടക്കുമ്പോഴും റഷ്യൻ സൈനിക ഉദ്യോഗസ്ഥർ ചിഹ്നങ്ങളെക്കുറിച്ച് ഔദ്യോഗികമായി പ്രതികരിക്കാൻ തയ്യാറായിട്ടില്ല.
യുദ്ധം ആരംഭിച്ച് ദിവസങ്ങൾ കടന്നുപോയതോടെ O, X, A, V എന്നീ അക്ഷരങ്ങളും സൈനിക വാഹനങ്ങളിലും ടാങ്കുകളിലും ഇടംനേടിയെങ്കിലും കൂടുതൽ ചർച്ചയായത് 'Z' എന്ന അക്ഷരമാണ്. 'Z', 'V' എന്നീ അക്ഷരങ്ങൾ എഴുതിയ സൈനിക വാഹനങ്ങളുടെയും സൈനിക ഉപകരണങ്ങളുടെയും ചിത്രം റഷ്യൻ പ്രതിരോധ മന്ത്രാലയം അവരുടെ ഇൻസ്റ്റഗ്രാം പേജിൽ പങ്കുവച്ചതോടെയാണ് 'Z', 'V' എന്നീ അക്ഷരങ്ങൾ സജീവ ചർച്ചയായത്.
ഇൻസ്റ്റഗ്രാം പേജിൽ 'Z', 'V' എന്നീ അക്ഷരങ്ങൾ പങ്കുവച്ചെങ്കിലും എന്താണ് ഉദ്ദേശിക്കുന്നതെന്ന് റഷ്യ വ്യക്തമാക്കിയിട്ടില്ല. 'V' എന്ന അക്ഷരം റഷ്യൻ പ്രസിഡൻ്റ് വ്ലാഡിമിർ പുടിനെയും 'Z' യുക്രൈൻ പ്രസിഡൻ്റ് വോളോഡിമിർ സെലൻസ്കിയെയുമാണ് സൂചിപ്പിക്കുന്നതെന്ന് ഒരു വിഭാഗമാളുകൾ വാദിക്കുമ്പോൾ സ്വന്തം സൈനിക വാഹനങ്ങൾ വേഗത്തിൽ തിരിച്ചറിയാനാണ് റഷ്യ ഈ അക്ഷരങ്ങൾ ഉപയോഗിക്കുന്നതെന്ന് മറ്റൊരു വിഭാഗം പറഞ്ഞു.
റഷ്യൻ പ്രത്യയശാസ്ത്രത്തിന്റെയും ദേശീയതയിലൂന്നിയ ഏകാധിപത്യത്തിന്റെ ചിഹ്നമാണ് 'Z' എന്ന അക്ഷരമെന്ന് ചിലർ വ്യക്തമാക്കുന്നുണ്ട്. റഷ്യൻ ജനത 'Z' എന്ന അക്ഷരം വ്യാപകമായി സമൂഹമാധ്യമങ്ങളിൽ പങ്കുവയ്ക്കുന്നതായി റിപ്പോർട്ടുകളുണ്ട്. യുക്രൈൻ അധിനിവേശത്തെ പിന്തുണയ്ക്കുന്ന റഷ്യൻ പൗരന്മാർ വസ്ത്രത്തിൽ 'Z' എന്ന അക്ഷരം പതിപ്പിക്കുന്നതായും വിദേശ മാധ്യമങ്ങൾ റിപ്പോർട്ട് ചെയ്തു. 2014ൽ റഷ്യ ക്രിമിയ പിടിച്ചെടുത്തപ്പോൾ ക്രിമിയയിലെ വാഹനങ്ങളിൽ 'Z' എന്ന അക്ഷരം പ്രത്യക്ഷപ്പെട്ടിരുന്നുവെന്ന് ദി ഇൻഡിപെൻഡന്റ് റിപ്പോർട്ട് ചെയ്തു.
യുക്രൈനിലെ അധിനിവേശം ആരംഭിച്ചതിന് പിന്നാലെയാണ് റഷ്യൻ സൈനിക വാഹനങ്ങളിൽ വെളുത്ത നിറത്തിൽ 'Z' എന്ന അക്ഷരം പ്രത്യക്ഷപ്പെട്ടത്. ഫെബ്രുവരി 22ന് ഡൊനെറ്റ്സ്ക മേഖലയിൽ പ്രവേശിച്ച റഷ്യൻ വാഹനങ്ങളിലാണ് 'Z' എന്ന അക്ഷരം ആദ്യമായി കണ്ടത്. സൈനിക വാഹനങ്ങളിലെ ആക്ഷരങ്ങൾ സംബന്ധിച്ച് ചർച്ചകൾ നടക്കുമ്പോഴും റഷ്യൻ സൈനിക ഉദ്യോഗസ്ഥർ ചിഹ്നങ്ങളെക്കുറിച്ച് ഔദ്യോഗികമായി പ്രതികരിക്കാൻ തയ്യാറായിട്ടില്ല.
യുദ്ധം ആരംഭിച്ച് ദിവസങ്ങൾ കടന്നുപോയതോടെ O, X, A, V എന്നീ അക്ഷരങ്ങളും സൈനിക വാഹനങ്ങളിലും ടാങ്കുകളിലും ഇടംനേടിയെങ്കിലും കൂടുതൽ ചർച്ചയായത് 'Z' എന്ന അക്ഷരമാണ്. 'Z', 'V' എന്നീ അക്ഷരങ്ങൾ എഴുതിയ സൈനിക വാഹനങ്ങളുടെയും സൈനിക ഉപകരണങ്ങളുടെയും ചിത്രം റഷ്യൻ പ്രതിരോധ മന്ത്രാലയം അവരുടെ ഇൻസ്റ്റഗ്രാം പേജിൽ പങ്കുവച്ചതോടെയാണ് 'Z', 'V' എന്നീ അക്ഷരങ്ങൾ സജീവ ചർച്ചയായത്.
ഇൻസ്റ്റഗ്രാം പേജിൽ 'Z', 'V' എന്നീ അക്ഷരങ്ങൾ പങ്കുവച്ചെങ്കിലും എന്താണ് ഉദ്ദേശിക്കുന്നതെന്ന് റഷ്യ വ്യക്തമാക്കിയിട്ടില്ല. 'V' എന്ന അക്ഷരം റഷ്യൻ പ്രസിഡൻ്റ് വ്ലാഡിമിർ പുടിനെയും 'Z' യുക്രൈൻ പ്രസിഡൻ്റ് വോളോഡിമിർ സെലൻസ്കിയെയുമാണ് സൂചിപ്പിക്കുന്നതെന്ന് ഒരു വിഭാഗമാളുകൾ വാദിക്കുമ്പോൾ സ്വന്തം സൈനിക വാഹനങ്ങൾ വേഗത്തിൽ തിരിച്ചറിയാനാണ് റഷ്യ ഈ അക്ഷരങ്ങൾ ഉപയോഗിക്കുന്നതെന്ന് മറ്റൊരു വിഭാഗം പറഞ്ഞു.
റഷ്യൻ പ്രത്യയശാസ്ത്രത്തിന്റെയും ദേശീയതയിലൂന്നിയ ഏകാധിപത്യത്തിന്റെ ചിഹ്നമാണ് 'Z' എന്ന അക്ഷരമെന്ന് ചിലർ വ്യക്തമാക്കുന്നുണ്ട്. റഷ്യൻ ജനത 'Z' എന്ന അക്ഷരം വ്യാപകമായി സമൂഹമാധ്യമങ്ങളിൽ പങ്കുവയ്ക്കുന്നതായി റിപ്പോർട്ടുകളുണ്ട്. യുക്രൈൻ അധിനിവേശത്തെ പിന്തുണയ്ക്കുന്ന റഷ്യൻ പൗരന്മാർ വസ്ത്രത്തിൽ 'Z' എന്ന അക്ഷരം പതിപ്പിക്കുന്നതായും വിദേശ മാധ്യമങ്ങൾ റിപ്പോർട്ട് ചെയ്തു. 2014ൽ റഷ്യ ക്രിമിയ പിടിച്ചെടുത്തപ്പോൾ ക്രിമിയയിലെ വാഹനങ്ങളിൽ 'Z' എന്ന അക്ഷരം പ്രത്യക്ഷപ്പെട്ടിരുന്നുവെന്ന് ദി ഇൻഡിപെൻഡന്റ് റിപ്പോർട്ട് ചെയ്തു.