സിം​ബാ​ബ്​വേ പ്ര​സി​ഡ​ന്‍റ് റോ​ബ​ര്‍​ട്ട് മു​ഗാ​ബെ രാ​ജിവച്ചു

ഹരാരെ: നാലു ദശാബ്ദക്കാലത്തെ മുഗാബെ യുഗത്തിന് അന്ത്യമായി. പാര്‍ലമെന്‍റ് ഇംപീച്ചുമെന്‍റ് നടപടി ആരംഭിക്കാനിരിക്കെയാണ് മുഗാബെയുടെ രാജി. സ്പീക്കര്‍ ജേക്കബ് മുഡേണ്ട പ്രസിഡന്‍റിന്‍റെ രാജി സ്ഥിരീകരിച്ചു. ഇംപീച്ചുമെന്‍റ് നടപടി ഇതോടെ ഉപേക്ഷിച്ചതായും അദ്ദേഹം അറിയിച്ചു.

മുഗാബെയെയും ഭാര്യയെയും കഴിഞ്ഞയാഴ്ച സൈന്യം വീട്ടുതടങ്കലിലാക്കിയിരുന്നു. 93കാരനായ മുഗാബെയില്‍നിന്ന് അധികാരം കൈക്കലാക്കാന്‍ ഭാര്യ ഗ്രേസ് ശ്രമിക്കുന്നുവെന്നു വ്യക
തമായതോടെയാണു സൈന്യം ഇടപെട്ടത്. ഭരണകക്ഷി കേന്ദ്രക്കമ്മിറ്റിയോഗം കഴിഞ്ഞദിവസം മുഗാബെയെ നേതൃപദവിയില്‍നിന്നു പുറത്താക്കുകയും പ്രസിഡന്‍റ് പദവി രാജിവച്ചില്ലെങ്കില്‍ ഇംപീച്ചു ചെ യ്യുമെന്നു മുന്നറിയിപ്പു നല്‍കുകയും ചെയ്തിരുന്നു. എന്നാല്‍ ഞായറാഴ്ചത്തെ ടിവി പ്രസംഗത്തിലും മുഗാബെ കടുത്തനിലപാടാണ് എടുത്തത്.