ലഖ്നൗ: ലഖ്നൗ എയര്പോര്ട്ടില് വന് ദുരന്തം ഒഴിവായി. ടേക്ക് ഓഫിനിടയില് സൗദി എയര്ലൈന് വിമാനത്തിന്റെ വീലിന് സാങ്കേതിക തകരാര് ഉണ്ടായതിനെ തുടര്ന്ന് പൈലറ്റ് എമര്ജന്സി ബ്രേക്കുകള് ഉപയോഗിക്കുകയായിരുന്നു. റിയാദിലേയ്ക്ക് പറക്കാന് തുടങ്ങിയ എസ് വി 9895 വിമാനത്തില് 300 യാത്രക്കാരാണുണ്ടായത്. അപകടത്തില് ആര്ക്കും പരിക്കേറ്റതായി റിപോര്ട്ടില്ല. എല്ലാം സുരക്ഷിതരാണെന്നും റിപോര്ട്ടില് പറയുന്നു. അപകടത്തെ തുടര്ന്ന് റണ് വേ അടച്ചിട്ടു. വിമാനങ്ങളുടെ വരവും പോക്കും വൈകുമെന്നാണ് സൂചന. അതേസമയം എയര്പോര്ട്ടിലേയ്ക്കെത്തിയ ആറ് വിമാനങ്ങള് ഡല്ഹിയിലെ ഇന്ദിരാഗാന്ധി ഇന്റര്നാഷണല് എയര്പോര്ട്ടിലേയ്ക്ക് വഴി തിരിച്ച് വിട്ടു.
വിമാനത്തിന്റെ ചക്രം ഊരിത്തെറിച്ചു; ഒഴിവായത് വൻ അപകടം
ടേക്ക് ഓഫിനിടയില് സൗദി എയര്ലൈന്സ് വിമാനത്തിന് തകരാര്
TNN 27 Dec 2017, 11:37 pm