സനാ (യെമന്): സൗദി അറേബ്യയുടെ നേതൃത്വത്തിലുള്ള അറബ് സഖ്യസേന യെമനിലെ ഹൂതികളുടെ മിസൈല് പ്ലാന്റ് തകര്ത്തു. ബാലിസ്റ്റിക് മിസൈലുകളും ഡ്രോണുകളും നിര്മിക്കുന്നതിനും ശേഖരിക്കുന്നതിനുമായി യെമന് തലസ്ഥാനമായ സനായില് നിര്മിച്ച പ്ലാന്റാണ് തകര്ത്തത്. ഇറാന് സഹായത്തോടെ നിര്മിച്ചതാണ് ഈ പ്ലാന്റ്.
Also Read: മോദിയും ട്രംപും സുഹൃത്തുക്കള്; പക്ഷേ ഇന്ത്യ-യുഎസ് വ്യാപാര കരാര് യാഥാര്ഥ്യമാകാത്തത് എന്തുകൊണ്ട് ?
മിസൈല് പ്ലാന്റ് തകര്ത്ത വിവരം സൗദി പ്രസ് ഏജന്സിയാണ് റിപ്പോര്ട്ട് ചെയ്തത്. ഹൂതികള് ഇറാന് പിന്തുണയോടെ മിസൈലുകളും ഡ്രോണുകളും ശേഖരിച്ച് സാധാരണക്കാരെയും നഗരങ്ങളെയും ലക്ഷ്യമിടുകയാണെന്ന് അറബ് സഖ്യസേന വക്താവ് കേണല് തുര്കി അല് മാലിക്കി പറഞ്ഞു.
സനായ്ക്ക് സമീപം അല് നഹ്ദെയ്ന് മലനിരയിലെ അല് അമദ് ക്യാമ്പിലെ പ്ലാന്റാണ് തകര്ത്തത്. അന്താരാഷ്ട്ര യുദ്ധ നിയമങ്ങള് പരിഗണിച്ച് മാത്രമാണ് സഖ്യസേന ആക്രമണം നടത്തിയതെന്ന് അല് മാലിക്കി വ്യക്തമാക്കി. സാധാരണ പൗരന്മാര്ക്ക് പരിക്കേല്ക്കാതിരിക്കാന് സഖ്യസേന കൃത്യമായ നടപടികള് സ്വീകരിച്ചിരുന്നുവെന്നും അദ്ദേഹം പറഞ്ഞു.
Also Read: കൊറോണ: ദക്ഷിണ കൊറിയയില് 161 പേര്ക്ക് കൂടി വൈറസ് ബാധ; യൂറോപ്പിലും വ്യാപിക്കുന്നു
സൗദി അറേബ്യക്കും മേഖലയിലെ മറ്റു രാജ്യങ്ങള്ക്കും ഭീഷണിയാകുന്ന പ്രവര്ത്തനങ്ങളാണ് ഹൂതി വിമതര് നടത്തുന്നത്. ഇത്തരം പ്രവര്ത്തനങ്ങള്ക്കെല്ലാം പിന്തുണ നല്കുന്നത് ഇറാനാണ്. ഇത്തരം ഭീഷണികള് ഇല്ലാതാക്കാനാണ് സഖ്യസേനയുടെ ശ്രമം. - അല് മാലിക്കി പറഞ്ഞു.